सुनसरी कार्तिक २५ गते ।
सुनसरीको बर्जु गाउँपालिकाका १५० बढि युवा कार्यकर्ताहरु विभिन्न पार्टी परित्याग गरी नेपाल कम्युनिस्ट पार्टी (नेकपा) मा प्रवेश गरेका छन् । विजयादशमी, शुभ दिपावली तथा छठको अवसरमा आज नेकपा बर्जु गाउँपालिका कमिटीले आयोजना गरेको शुभकामना आदानप्रदान कार्यक्रममा गाउँपालिकाका डेढ सय बढि युवाहरु पार्टी प्रवेश गरेका हुन् ।
कार्यक्रममा बोल्दै नेकपा नेतृ भगवती चौधरीले सुनसरी क्षेत्र नं. ३ बर्जु गाउँपालिका विकासको दृष्टिकोणले अत्यन्त पिछडिएको क्षेत्र हुनुमा विगतमा सहि नेतृत्व पाउन नसक्नु रहेको बताइन् । विगतमा विभिन्न चुनावमा जितेर गएकाले जनताको अपेक्षा अनुरुप काम नगर्दा सुनसरी क्षेत्र नं. ३ अन्य क्षेत्रको दाँजोमा पछि परेकोले अब जनता आफैं जागरुक भएर सहि नेतृत्व छान्न सक्नुपर्ने बताइन् ।
नेतृ चौधरीले नेकपाकै नेतृत्वमा मुलुकमा समाजवाद आउने समेत बताइन् । सवै वर्ग, क्षेत्र, लिंङग, समुदायको समानविकासका लागि नेकपा लागि परेको उनको धारणा थियो । चौधरीले मुलुकको संमृद्धि र विकासका लागि नेकपाले दिर्घकालिन योजना बनाएर काम गरेको बताउँदै सरकार जनअपेक्षा अनुरुप अगाडी बढिरहेको पनि औंल्याइन् ।
स्थानीय युवाहरु पार्टी प्रदेश गरेको प्रति खुसी व्यक्त गर्दै नेकपा केन्द्रीय सदस्य चौधरीले राजनीति प्रति युवाहरुले चासो राख्नु पर्ने पनि बताइन् । उनले विश्वब्यापी कोभिड–१९ का सन्दर्भमा आम जनता सचेत र सावधानी हुनुपर्ने बताउँदै गाउँघरमा कोरोना सचेतनाको अभाव रहेकोले युवा वर्गले अभियान थाल्नु पर्ने पनि औंल्याइन् ।
कार्यक्रममा नेकपा केन्द्रीय सदस्य महफुज अन्सारीले मुस्लिम हरुका हक अधिकार संविधानमा उल्लेख भएपनि कार्यान्वयन तहमा कमजोर रहेको बताउँदै राज्यले सबैं धर्म, संप्रदाय प्रति समान धारणा बनाउनु पर्ने बताए । संविधानका धेरै बुँदाहरुमा मुस्लिम शब्द प्रयोग भएपनि व्यवहारतः लागू नभएको उनको भनाई थियो ।
कार्यक्रममा प्रदेश कमिटीका सुरेन्द्र मेहता, जिल्ला सदस्यहरु देबी रिजाल, रामदेव यादव, वोसिम आलम, अदाम इसुफले चाडपर्वको शुभकामना दिँदै बोलेका थिए ।सामाजिक दुरी र कोरोना स्वास्थ्य सचेतना सहित आयोजित कार्यक्रममा गाउँपालिकाका नेकपाका स्थानीय कार्यकर्ता तथा जनताको उल्लेख्य सहभागिता रहेको थियो ।
Discussion about this post