बाँके मंसिर ३० गते ।
बाँकेमा नदी र खोलाबाट हुने अवैध ढुंगा, गिट्टी र बालुवाको अवैध उत्खन्न् रोक्न गृह प्रशासनले सुरक्षा फौज नै परिचालन गरेको छ । नदी तथा खोलामा हाकाहाकी तस्करहरुले अवैध उत्खन्न् गर्न थालेपछि नदी र खोलाको सुरक्षाका लागि छुट्टै सुरक्षा फौज परिचालन गरिएको हो ।
मुगुवा खोला नजिकै घाटगद्दी गरेर राखिएको अवैध ढुंगा, गिट्टीको अनुगमनका लागि जनप्रतिनिधि र जिल्लाको सुरक्षा अधिकारीहरु पटक पटक आएपनि राजनीतिक दलको आडमा चोरी निकासी हुने क्रम रोकिएको छैन् । राज्यलाई चुनौति दिदै आएको तस्करको समूहले राप्तीसोनारीको खोला र नदीमा जताततै ढुंगा, गिट्टी र बालुवा थुपारी हाकाहाकी चोरी निकासी गर्नेक्रम बढेपछि आजित भएर गृह प्रशासनले सशस्त्र प्रहरी बल शम्शेरगन्जको सुरक्षा फौज खटाएको बाँकेका सिडिओ रामबहादुर कुरुम्वांगले बतानुभयो ।
राप्ती नदी र मुगुवा खोलाबाट हुदै आएको अवैध धन्धाका नाइकेलाई नेपाल प्रहरीले नियन्त्रणमा ल्याउन नसकेपछि सशस्त्रका डिएसपीको कमाण्डमा छुटै सुरक्षा फौज परिचालन गरिएको हो । सशस्त्र प्रहरी बलले नदी खोलामा हातहतियारसहित स्थलगत निगरानी बढाइरहेको छ ।
यी नदी खोलामा नेकपा र काँग्रेसका दुवै पार्टीका नेताको संरक्षणमा दोहन र अवैध निकासी भइरहेको छ ।
विगत तीन वर्षदेखि हुँदै आएको अवैध तस्कर नियन्त्रण गर्न थालेपछि संगठित समूहले गृहप्रशासनका अधिकारीलाई हटाउन संघीय र प्रदेशका मन्त्रीहरुलाई दवाव दिइरहेको जनप्रतिनिधिहरु बताउँछन । राजनीतक हाडमा अवैध धन्धाका नाइकेले मुगुवा खोलाको दुई देखि तीन किलोमिटर क्षेत्रमा करिव २० करोड मूल्यको अवैध ढुंगा, गिट्टी र बालुवा थुपारेका छन् ।
Discussion about this post