रुकुम माघ ७ गते ।
रुकुम पश्चिममा मंगलबार नेकपा र नेपाली कांग्रेसका कार्यकर्ताबीच झडप भएर तनावग्रस्त स्थिति उत्पन्न भएपछि जिल्ला प्रशासन कार्यालय मुसिकोट रुकुम पश्चिमले साँझ ५ बजेदेखि निषेधाज्ञा जारी गरेको छ। प्रशासनले विज्ञप्ति जारी गरी पूर्वमा घारी खोला, पश्चिममा ठूलीभेरी, उत्तरमा दाजे र दक्षिणमा सीम बजार क्षेत्रसम्म लागू हुने गरी निषेधाज्ञा जारी गरेको हो ।
निषेधाज्ञा जारी गरिएको क्षेत्रमा सभा, जुलुस, भेला तथा प्रदर्शन गर्न नपाइने विज्ञप्तिमा उल्लेख गरिएको छ। यसका साथै अत्यावश्यक उपभोग्य वस्तु विक्री गर्ने पसल र औषधि पसलबाहेक सम्पूर्ण पसल, उद्योग व्यावसाय विहान ६ बजेदेखि १० बजेसम्म मात्र खोल्न दिइने बताइएको छ।
ADVERTISEMENT
Discussion about this post