बाँके माघ २१ गते ।
कोहलपुर नगरपालिका वडा न. १२ चप्परगौडी स्थित डाइमण्ड स्टार एकेडेमीका विधार्थीहरुलाई एक कार्यक्रम विच ट्राफिक नियम सम्बन्धी अभिमुखिकरण कार्यक्रम सम्पन्न गरिएको छ ।
विधार्थीहरुलाई ट्राफिक नियम सम्बन्धी अभिमुखिकरण कार्यक्रममा बोल्दै जिल्ला ट्राफिक कार्यालयका असई यज्ञराज पन्थले विधार्थीहरुले ट्राफिक नियम सम्बन्धी जानकारी लिनुपर्ने बताउनु भयो । विधार्थीहरु विहान विधालय आउने साँझ घर फर्कने भएकाले ट्राफिक नियम जान्नै पर्ने बताउनु भयो । अधिकांश सडक दुर्घटनाको कारण ट्राफिक नियमको पालना नहुने रहेको छ ।
सवारीसाधन चलाउँदा वा हिँड्दा नै किन नहोस्, धेरै मानिसले जानेर ,नजानेर ट्राफिक नियम उल्लंघन गरिरहेका हुन्छन् । चालकले तीव्र गतिमा सवारी हाँक्ने, संकेत नमान्ने, जथाभावी गाडी रोक्ने, सवारीको क्षमताभन्दा बढी यात्रु बोक्नेजस्ता कार्य गर्छन् । शिक्षित मानिसले नै बढी नियम उल्लंघन गरेको समेत पाइन्छ । ट्राफिक नियम पालना नगर्नु आफ्नै लागि खतरा हो भन्ने बुझ्दैनन् । सडकमा राखिएका मार्किङ ट्राफिक चिह्नको सही पालना गर्ने ।
सडक लेनको पालना गर्ने सडकमा हुने ५० प्रतिशत दुर्घटना लेन मिचेका कारण हुने गर्छन् । त्यसैले यस विधालयका विधार्थी भाई बहिनीहरुले सहि तरिकाले ट्राफिक नियमको पालना गर्नुहनेछ भन्ने विश्वास लिएको बताउनुभयो । उक्त कार्यक्रममा बिधालयका प्रिन्सिपल एस.वि.बुढा विधालयका शिक्षक शिक्षिका ,बिधालयको बस चालक ,सह–चालकको पनि उपस्थिती रहेको थियो ।
Discussion about this post