काठमाडौं असार ८ गते ।
विश्वका धेरै गरिब देशहरुले कोरोना भाइरसविरुद्धको खोप अभावमा खोप अभियान जारी राख्न नसकेको डब्लुएचओले बताएको छ ।
खोपको समान पहुँच सुनिश्चित गर्नका लागि सुरु गरिएको कोभ्याक्स अभियान अन्तर्गत खोप पाइरहेका धेरै गरिब देशहरुमा अहिले कोरोना भाइरसविरुद्धको खोपको अभाव रहेको र ती देशमा खोप अभियान रोक्नु पर्ने बाध्यता रहेको डब्लुएचओको भनाइ छ ।
डब्लुएचओका उच्च सल्लाहकार डा. ब्रुस अयल्वार्डका अनुसार कोभ्याक्स कार्यक्रम अन्तर्गत हालसम्म विश्वका १३१ देशलाई खोपको ९ करोड मात्रा प्रदान गरिएको छ । अफ्रिकी देशहरुमा कोरोना भाइरस महामारीको तेस्रो लहर देखिँदा खोपको अभाव भएको हो ।
धनी देशहरुले खोपमा सहयोग नगरेका कारण गरिव देशमा समस्या परेको हो । धनी देशहरुले गरिब देशका लागि खोप खरिद गरेर समान रुपमा वितरण गर्ने उद्देश्यसहित गएको वर्ष कोभ्याक्स अभियान घोषणा भएको थियो ।
Discussion about this post