पाल्पा साउन २६ गते ।
पाल्पामा प्रहरीले चितुवाको छाला सहित २ जनालाई आज पक्राउ गरेको छ । लुम्बिनी प्रदेश अनुसन्धान समूहले कुसुमखोला नजिकैबाट चितुवाको छाला सहित पाल्पा रिव्दीकोटका २ जनालाई पक्राउ गरेको जनाएको छ ।
लु ३७ प ४४४ नम्बरको मोटरसाइकलमा सवार दुइ जना पक्राउ परेका हुन । पक्राउ पर्नेमा रिब्दीकोट ७ का ४२ वर्षका विष्णु बहादुर खत्री र सोही स्थानका जमिल मियाँ रहेको प्रहरीले जनाएको छ ।
अवैधरुपमा चितुवाको छाला तस्करी भइरहेको भन्ने सूचनाको आधारमा प्रहरीले उनीहरुमाथि चेकजाँच गरेको थियो । त्यसक्रममा प्रतिबन्धित चितुवाको छाला बरामद भएको प्रहरीले जनाएको छ ।
उक्त घटनाको विषयमा थप अनुसन्धान भइरहेको प्रहरीले जनाएको छ ।
ADVERTISEMENT
Discussion about this post