खोजखबर संवाददाता भिम पौडेल
बाँके असोज २ गते । भारी वर्षापछि भएको डुवानका कारण बाँकेको खजुरा र जानकी गाउँपालिकामा गरी ६४ घरपरिवारका २५३ जना विस्थापित भएका छन् ।
ऋबिरल बर्षका कारण खजुरा गाँउपालिकाका स्थानियहरु रोडमा बस्न बाध्य भएको मायाराम पासीले बताए । हिजोदेखि परेको अबिरल बर्षाका कारण खजुरा गाँउपालिका सिन्दुरेका पासीले अफुहरु गाँउपालिकाले बितरण गरेको पालका भरमा रोडमा बस्न बाध्य भएको बताए ।
अबिरल बर्षाका कारण खजुरा गाँउपालिका वडा नं. ७ मा रहेको नेपाल राष्ट्रिय आधारभुत बिद्यालय पनि डुवानमा परेको बिद्यालयका प्र.अ श्रबण कुमार खड्काले बताए । खड्काले भने बिद्यालय निर्माण पुरना संरचना र मानखोलाको तडबन्दन नहुदा बर्षेनि यो समस्या झेल्दै आएको जानकारी दिए ।
अविरल वर्षापछि खजुरा गाउँपालिका वडा नं. २ गौघाट, पुरैनी, वडा ५ र ६ उढरापुर, वडा नं. ७ सिन्दुरे लगायतका ठाउँमा दुइ सय घरपरिवारका विस्थापित भएको खजुरा गाँउपालिकाकी उपाध्यक्ष एक माया बिकले जानकारी दिइन । उनीहरुमध्ये खजुरा गाउँपालिका विस्थापित मध्ये केही जनसेवा मावि र नेपाल आधाभूत विद्यालय सिन्दुरेमा राखिएको थियो भने बाँकी सबै आफन्तीको घरमा बसेका छन् । पानीको बहाब कम हुदै गए पनि बिस्तारै सबै जना ऑआफ्नो घर तिर फर्किन लागेको समेत बिकले जनकारी दिइन ।
सुरक्षाकर्मी, रेडक्रसलगायत स्थानीय तहका जनप्रतिनिधि पुगेर अवस्था बुझिरहेका छन् ।
Discussion about this post