बाँके असोज ३ गते ।
नेपालमा गणतान्त्रिक संविधान लागु भएको ६ वर्ष पुरा भएको अवसरमा महेन्द्र बहुमुखी क्याम्पस नेपालगंजमा कानुन संकायको तेस्रो वर्षमा अध्ययन गरीरहेका विद्यार्थीहरुले आईतबार आयोजना गरेको नेपालको संविधान २०७२ को अभ्यास , अवसर र चुनौति शीर्षकमा भर्चुव अन्तरक्रिया सम्पन्न भएको छ ।
कानुन विद् प्रा गणेश रेग्मीले कुनै पनि राष्ट्रको संविधान विश्वकै सर्वश्रेष्ठ वा देशको निकृष्ट संविधान हुने गर्दैन भन्ने धारणा राख्नुभयो । उहाँले भन्नुभयो संविधानको पालना गर्दा सरकारले पार्टीगत स्वार्थभन्दा राष्ट्र हितको कुरामा ध्यान दिन जरुरी रहेको जिकिर गर्नु भएको थियो ।
महेन्द्र बहुमुखी क्याम्पसको कानुन विभागका प्रमुख प्राध्यापक लक्ष्मण पराजुलीले संविधानमा उल्लेख भएका प्रावधान पूर्णरूपमा कार्यान्वयन गर्न नसक्नु मुख्य समस्याका रूपमा देखिएको बताउनु भयो ।
उहाँले संविधानमा उल्लेख भएको मौलिक हकका प्रावधान पढ्ने जो–कोहीले यसलाई विश्वको उत्कृष्ट दस्तावेज भन्दछन्, तर त्यसको कार्यान्वयन पक्ष हेर्दा प्रायः रित्तो मैदान रहेकोले कार्यान्वय तर्फ ध्यान दिन जरुरी रहेको बताउनु भएको थियो ।
यस्तै कानुनविद प्राध्यापक लोक बहादुर शाहले संविधानको मौलिक हकमा उल्लेख भएका विचार र अभिव्यक्ति स्वतन्त्रता, बिनाहात–हतियार शान्तिपूर्वक भेला हुने स्वतन्त्रता, राजनीतिक दल तथा संघ–संस्था खोल्ने र कुनै पनि भागमा आवत–जावत र बसोबास गर्न पाउने, कुनै पनि भागमा पेसा रोजगार गर्ने, उद्योग व्यवसायको स्थापना र सञ्चालन गर्ने स्वतन्त्रतालगायत अधिकार दिने काममा संविधान निकै उदार मानिएको बताउनु भएको थियो ।
कानुनविद प्राध्यापक बिश्वजीत तिवारीले ६ वर्षको अवधि व्यतित गरेका जनताले संविधानतः प्राप्त अधिकार कुन रूपमा पालना भए भनेर टीका–टिप्पणी गर्नु स्वाभाविकै रहेको बताउदै उहाँले संविधानको कार्यान्वयन पक्ष कमजोर रहेको जिकिर गर्नु भएको थियो ।
कानुन संकायका प्राध्यापक निरन्जन ज्ञावलीले संविधानमा उल्लेख भएका प्रावधानलाई तत्काल कार्यान्वयन गर्न सकिएन भने र सरकारमा रहेका व्यक्ति अधिनायकवादी देखिए भने जनताले छरछिमेक ताक्नु स्वाभाविक हुने धारणा राख्नु भएको थियो ।
कानुन संकायको तेस्रो वर्षमा बिद्यार्थी जेष्ठ नागरिक समेत रहनु भएका बलभद्र ओलीको अध्यक्षतामा सम्पन्न भर्चुवल अन्तरक्रिया कार्यक्रमको प्रमख अतिथि पूर्व क्याम्पस प्रमुख गणेश रेग्मी, बिशेष अतिथि लक्ष्मण पराजुली, अतिथिहरुमा प्राध्यापक निरन्जन ज्ञवाली, लोक बहादुर शाह, बिश्वजीत तिवारी, कानुन संकायका बिद्यार्थी अम्बीका काफले, मानव अधिकार संरक्षण तथा प्रवद्र्धन केन्द्र अध्यक्ष एंव यूथ टुडेका सम्पादक कानुनका बिद्यार्थी आलम खान लगायत रहनु भएको थियो ।
कानुनका विद्यार्थी बिजया धितालले स्वागत गर्नु भएको कार्यक्रममा धन्यबाद ज्ञापन कानुनका बिद्यार्थी बिनोद प्रसाद पनेरुले गर्नु भएको थियो । भर्चवल कार्यक्रम कानुन संकायका ४० जना भन्दा बढी बिद्यार्थीहरुको सहभागिता रहेको कुल बहादुर रिजालीले जानकारी दिनु भयो ।
Discussion about this post