जावेद अन्सारी
बाँके असोज १२ गते ।
गृहमन्त्रालयले पाँच दिन अघि बन्द रहेका सीमा नाका खोल्ने निर्णय गर्यो । ती नाकाहरुबाट साविककै अवस्थामा साना ठूला सवारीसाधन संचालन गर्ने भनिएको बताइन्छ ।
उक्त बेहोराको पत्र गृहले जिल्लाका सबै स्थानीय प्रशासनमा पठाइसकेको छ । तर पाँच दिन भयो पत्र आएको बाँकेका प्रमुख जिल्ला अधिकारीले भने हेर्न भ्याएका छैनन् ।
पत्र आएको छ मैले हेर्न भ्याएको छैन अनलाइन खोजखवरसँग बाँकेका प्रमुख जिल्ला अधिकारी शिवराम गेलालले भने पत्र हेरेपछि नाका खोल्ने मोडालिटीबारे थाहा हुने छ ।
कोरोना भाइरस महामारीका कारण लामो समयदेखि भारतसँग जोडिएका नाकाहरु बन्द छन् । मानिसहरु आउजाउ गर्न दिइएको भएपनि निजी सवारीसाधन संचालनमा भने रोक लगाइएको छ ।
सरकारले गत मंगलबार कोरोना महामारीका कारण बन्द गरिएका सिमानाका खोल्ने निर्णय गरेको थियो । तर, उक्त निर्णय अझै कार्यान्वयनमा आएको छैन ।
सिमा नाका नखुल्दा नेपाल र भारतका सुरक्षाकर्मीले आवत जावतमा कडाई गरिरहेका छन् । नाकामा पहिलेको जस्तै सवारी साधन निर्वाध आवत जावतमा कडाई गरिएको छ ।
नेपालबाट एम्बुलेन्स, पेट्रोलियम ट्यांकर र भारतीय मालबाहक ट्रक बाहेक अन्य सर्बसाधारणका सवारी साधनहरुलाई भारत जान दिइएको छैन । यस्तै भारतबाट पनि त्यहाँका सुरक्षाकर्मीले एम्बुलेन्स, पेट्रोलियम ट्यांकर र मालबाहक सवारी साधनलाई मात्र नेपाल आउन दिइरहेका छन् ।
कोरोना महामारीको दोस्रो लहर सुरु भएपछि सरकारले गत बैशाखदेखी नेपालगन्जस्थित नेपाल–भारत सिमानाका बन्द गरेको थियो ।
Discussion about this post