प्रधानमन्त्रीको आव्हानमा सर्वदलिय बैठक बस्दै

काठमाडौं असोज १४ गते ।
प्रधानमन्त्री शेरबहादुर देउवाले आज सर्वदलीय बैठक बोलाउनुभएको छ । प्रधानमन्त्री देउवाको निजी सचिवालयका अनुसार बिहान १० बजेका लागि सर्वदलीय बैठक बोलाइएको छ ।

बैठकमा प्रधानमन्त्री देउवाले प्रमुख प्रतिपक्षीसहित संसदका विपक्षी दलहरुलाई पनि विश्वासमा लिँदै संसदमा जारी अवरोध अन्त्य गरी अघि बढ्न प्रस्ताव राख्ने बताईएको छ ।

संसदमा जारी अवरोधलाई अन्त्य गरेर सत्तापक्ष र प्रतिपक्षको सम्बन्ध स्वस्थ र राजनीतिक मूल्यमा आधारित बनाउने विषयमा छलफल गर्न लागेको सचिवालयले जनाएको छ ।

संसदको प्रमुख प्रतिपक्षी दल नेकपा एमालेले गत साउन २३ मा संसदको अधिवेशन सुरु भएसँगै सबैजसो बैठकमा अवरोध गर्दै आएको छ । उसले सभामुखको भूमिका समेत एमाले फुटाउनेमा केन्द्रित भएको भन्दै सभामुखविरुद्ध संसदमै नारावाजी गरिरहेको छ ।