बाँके कार्तिक ११ गते ।
नेपालगन्जको त्रिभुवन चोक एतिहासिक मानिन्छ । नेपालगन्ज घुम्न आउने प्राय मानिसहरु त्रिभुवन चोक पुग्ने गर्छन् । त्यसमा पनि त्रिभुवन चोकको पानी पुरी र चाट प्रसिद्ध नै छ ।
तर यही एतिहासिक चोकमा भने फोहोरको डंगुर लाग्ने गरेको छ । यहाँ पुग्ने अधिकांश मानिसहरु नाक थुनेर हिड्नु परेको छ । नगरकै मुटु मानिएको ठाउँ फोहरले दुर्गन्धित हुँदा पनि सम्वद्ध सरोकारवालाको ध्यान जान सकेको छैन् ।
नेपालगन्ज उपमहानगरपालिका ११ मा पर्ने त्रिभुवन चोकमा स्थानीयले सडकमै फोहोर फाल्दिने गरेका छन् । साँझको समयमा उनीहरुले सडकमै फोहोर फाल्ने गर्छन्।
जव साँझ पर्न थाल्छ तव त्रिभुवन चोकमा फोहोर फाल्नेक्रम बढ्न थाल्छ । खासगरी त्यहाँ पशुपति दयाल मिश्रको चटकारे छ ।
उक्त चटकारेले झन फोहोर थप्ने काम गरेको छ । मिश्रजस्तो समाजसेवी, राजनीतिज्ञ, व्यवसायीले समेत सरसफाईमा ध्यान नदिएको पाइएको छ ।
सर्वसाधरणहरुले स्थानीयलाई फोहोर नगर्न सुझाव दिन्छन् । त्रिभुवन चोक त प्रसिद्ध छ, यो पर्यटकिय पनि हो । यहाँका स्थानीयले जथाभावी फोहोर गर्नु राम्रो होइन एकजना सर्वसाधरणले अनलाइन खोजखवरलाई भने ।
नेपालगन्ज उपमहानगरपालिकाका मेयर धवल शम्शेर राणाले नगरलाई स्मार्ट सिटि बनाउने भनेर पटक पटक घोषणा गरेका छन् । तर साँझ एक फन्को त्रिभुवन चोक घुमे स्पष्ट हुन्छ स्मार्ट सिटि ।
फोहोर व्यवस्थित गर्न न मेयर राणाले सके न त वडाअध्यक्ष उज्जवलसिंह राठोरले । यहाँसम्मकी वडाअध्यक्ष राठोर त्यही बाटो दिनमा दशौं पटक ओहोरदोहोर गर्ने गर्छन् ।
तर उनलाई फोहोर व्यवस्थित गर्नु पर्छ भन्ने ध्यानै छैन् । अनलाइन खोजखवरले यस बिषयमा बुझ्न खोज्दा वडाअध्यक्ष राठोरसँग सम्पर्क हुन सकेन् ।
Discussion about this post