बाँके कार्तिक २८ गते ।
नेपाली कांग्रेसको १४ औं महाधिवेशन अन्तर्गत बाँकेका २९ वडामा निर्वाचन सुरु भएको छ । ८१ मध्ये ५२ वटा वडामा, वडा कार्यसमिति र क्षेत्रीय समिति निर्विरोध निर्वाचित भएपनि २९ वटा वडामा सहमित जुट्न नसकेपछि निर्वाचन हुन लागेको हो ।
जिल्ला निर्वाचन परिचालन समितिका अनुसार नेपालगन्ज उपमहानगरपालिकाका ६ वडा, नरैनापुर गाउँपालिकाको २, जानकी गाउँपालिकाको ४, खजुरा गाउँपालिकाको २, राप्ती सोनारीको ४ र कोहलपुर नगरपालिकाको १० वटा वडामा निर्वाचन सुरु भएको छ ।
यस्तै बैजनाथ गाउँपालिकाको ८ मध्ये एउटा वडामा सहमति जुट्न नसक्दा निर्वाचन हुने भएको छ ।
जिल्ला सहायक निर्वाचन अधिकृत चित्रबहादुर शाहीका अनुसार विहान ९ बजेदेखि सुरु भइ अपरान्ह ४ बजेसम्म मतदान चल्नेछ । मतदान पश्चात मत गणना तथा परिणाम घोषणा गरिनेछ ।
ADVERTISEMENT
Discussion about this post