बाँके मंसिर १ गते ।
‘स्वेच्छिक कर सहभागितामा अभिवृद्धिः सुशासन, विकास र समृद्धि’ भन्ने नाराका साथ आजदेखि १० औँ राष्ट्रिय कर दिवस सुरु भएको छ ।
दिवसका अवसरमा आन्तरिक राजश्व कार्यालय नेपालगन्जले पनि साताव्यापी कार्यक्रमको आयोजना गरेको कार्यालय प्रमुख शरदचन्द्र पोख्रेलले जानकारी दिनुभयो ।
कर सप्ताहको नेपालगन्जका मेयर डा धवलशम्शेर राणाले उद्घाटन गर्नु भयो । कार्यक्रममा उत्कृष्ट करदाता र कर्मचारीलाई सम्मान गरिएको छ । सम्मानित हुनेहरुमा व्यवसायीतर्फ मंगल हार्डवयर र लक्ष्मी प्लाष्टिक प्रालि र कर्मचारीतर्फ नायव सुब्बा इन्द्र सापकोटा रहनुभएको छ ।
सम्मानित व्यक्ति लाई दोसल्ला र फुलको माला उच्च कदर पत्रको सम्मान सहित सम्मान गरेका हुन । कार्यक्रममा बोल्दै प्रमुख अतिथि डा धवल समसेर राणाले राष्ट्र निर्माणको लागि र समृद्ध नेपालको आमूल परिवर्तन गर्नको लागि राज्य लाई कर तिर्न पर्ने अनिवार्य जनाउनु भएको छ ।
कर अधिकृत हिमालय बमले कार्यक्रम संचालन गर्नु भएको थियो ।
उक्त कार्यक्रममा नेपालगन्ज भन्सार कार्यालय प्रमुख भन्सार अधिकृत जय बहादुर भण्डारी ,नेपालगन्ज उपमहानगरपालिका प्रमुख प्रसाशकिय अधिकृत गुरुदत्त सुवेदी ,नेपालगन्ज उद्योग वाणिज्य संघका अध्यक्ष अब्दुल वाहिल अन्सारी चुन्ना,घरेलु तथा साना उद्योग कार्यालय प्रमुख लगाए विभिन्न संघ संस्थाका प्रतिनिधिको उपस्तिथि रहेको थियो ।
Discussion about this post