बाँके मंसिर ५ गते ।
नेपाली काङ्ग्रेस १४ औ महाधिवेशनका मुस्लिम कोटाका उम्मेदवार रहेका नेपालगन्जका मो. इरफान सिद्दिकी स्वर्गीय मोहम्मदी सिद्दिकि र स्वर्गीय सुलेमान सिद्दिकिका छोरा हुन् ।
इरफानका स्वर्गीय बुवा प्रतिबन्धित अवस्थामा पनि नेपाली काङ्ग्रेसका जल्दाबल्दा सिपाही थिए। उनको केन्द्रीय देखि अन्तरास्ट्रिय तहका नेताहरुसङ्ग हिमचिम थियो। भने इरफानकी आमा स्वर्गीय मोहम्मदी सिद्दिकी राजनिती क्षेत्रमा आउन भन्दा पहिले नेपालगन्जको आफ्नै व्यानर पोष्टर सिलाउने काम गर्थिन ।
२०४६ सालको आन्दोलनमा सिद्दिकी परिवारले आन्दोलनमा साथ दिएको हुदा र विभिन्न बैन्क र स्थानहरुमा झण्डा टासेर हिडेको भन्दै इरफान लगायत उहाँको दाजु लुकेर बस्नु परेको थियो।
यसै सिलसिलामा सेनाले अब पतिवारलाई नै जेल हुन्छ भन्ने कुरा उहाको बुवा सुलेमानलाइ थाह भएपछी लगत्तै इरफानका बुवाको हृदयघातको कारणले निधन भएको थियो।
बुवाको निधन पछि आमा सिद्दिकिलाई राजनितीमा सहभागी बनाई उनलाई काङ्ग्रेसको वडा अध्यक्ष दिइयो। काङ्ग्रेस पार्टीबाट राजनीति गर्दै उनि सभासद सम्म भैइन। आमाको राजनीतिक यात्रालाई सफल बनाउन आमाको सारथि बनेर इरफान पनि आफ्नी आमा सङ्गसङ्गै हिढ्ने गर्दथे।
फातिमा फाउन्डेसन नामको संस्थाबाट मुस्लिम समुदायमा शैक्षिक सुधारका साथै महिला अधिकार स्थापित गराउन योगदान गरिरहेकी स्वर्गीय सिद्दिकिले आफ्नो समुदायको मात्र नभैइ आफुलाई राजनीतिक यात्रामा अगाडि बढाउने पार्टीलाई समेत राष्ट्रिय अन्तरास्ट्रिय स्तरमा चिनाएकि थिईन।
यात्रामा एकदमै सक्रिय रहेकी सिद्दिकिको कोरोना कहरमा २०७८ सालमा निधन भयो।
यसरी बुवा र आमा दुबैको राजनीति यात्राका क्रममै निधन भएको हुँदा अहिले इरफान पनि आफ्नो स्वर्गीय बुवा र आमाको सपना साकार पार्न उनी काङ्ग्रेस पार्टीलाई आफ्नो आस्थाको अनि बिचारको पार्टी बनाई राजनीतिक यात्रामा होमिएका छन् ।
Discussion about this post