काठमाडौं पुस १ गते ।
मलद्वारमा लुकाएर ल्याएका सुनसहित दुई जना पक्राउ परेका छन ।
त्रिभुवन अन्तर्राष्ट्रिय विमानस्थलबाट विमानस्थल सुरक्षा कार्यालय र अपराध महाशाखाको संयुक्त टोलीले भारतीय नागरिक मोहम्मद साहिद इब्राहिम शेख र इर्साद अहम्मदलाई पक्राउ गरेको हो ।
उनीहरु फ्लाई दुवईको विमानबाट काठमाडौं आएका हुन् ।
भारतको गुजरात घर भएका शेखले मलद्वारमा लुकाएर ल्याएको ३ सय ७९ ग्राम सुन प्रहरीले बरामद गरेको छ । भने केराला घर भएका अहम्मदले जुत्ताको तलुवा र पाइन्टको बेल्टमा लुकाएर ल्याएको ४४२ ग्राम सुन बरामद गरिएको त्रिभुवन विमानस्थल सुरक्षा कार्यालयले जनाएको छ ।
बरामद ८ सय २१ ग्राम सुनसहित प्रहरीले उनीहरुलाई त्रिभुवन विमानस्थल भन्सार कार्यालयमा बुझाएको छ ।
ADVERTISEMENT
Discussion about this post