बाँके पुस १५ गते ।
भेरी अस्पतालको क्वाटरमा चारजनाको मृत्यु भएको छ ।
एकैपरिवारका उनीहरुको गएराती मृत्यु भएको हो । अस्पतालको स्टोर शाखामा कार्यरत धनप्रसाद भट्टराईसहित उहाँका छोरा, आमा र दिदीको मृत्यु भएको बाँके प्रहरीले जनाएको छ ।
कालिकोट खडाचक्र नगरपालिका ६ निवासी २३ वर्षीय धनप्रसादसँगै उहाँका तीन महिने छोरा इप्सन, ४५ वर्षीया आमा कोकिला र २७ वर्षीया दिदी नन्दकलीको मृत्यु भएको हो । यस्तै उहाँकी २४ वर्षीया श्रीमति सुशिला, तीन वर्षीय छोरा विवश र १८ वर्षिय भाइ नरेन्द्रको अवस्था गम्भीर छ । उहाँहरुको भेरी अस्पतालमा उपचार भइरहेको छ । उहाँहरु एउटै कोठामा सुत्नुभएको थियो ।
घटनाबारे विहानमात्र थाहा भएको बाँकेका एसपी श्यामकृष्ण अधिकारीले जानकारी दिनुभयो । प्रहरीका अनुसार उहाँहरुको निशासीयर मृत्यु भएको हुन सक्छ । त्यहाँ टिनमा कोइला बालेको देखिएको छ । सबै झ्याल ढोका बन्द गरेर सुतेका कारण धुवाले निशासिएको हुन सक्ने प्रहरीको अनुमान छ । घटनाबारे थप अनुसन्धान भइरहेको प्रहरीले जनाएको छ ।
धनप्रसाद विगत तीन वर्षदेखि भेरीको स्टोर शाखामा कार्यरत रहेको बताइएको छ । परिवारका अन्य सदस्यहरु भेटघाटका लागि कालिकोटबाट आएकाले घटनामा एउटै परिवार परेको हुन सक्ने अनुमान गरिएको छ ।
Discussion about this post