बाँके पुस २५ गते ।
बर्दिया राजापुर क्षेत्रमा घर भई हाल नेपालगञ्जमा बसोबास गरिरहेकाहरु संगठित भएका छन् । राजापुरबासी भौंरा टप्पा समूह( हाल नेपालगञ्जबासी) को नाममा फेसबुक म्यासेन्जर गु्रप बनाउँदै शनीबार नेपालगञ्जमा औपचारिक रुपमा संगठित भएका हुन् ।
विभिन्न पेशा, व्यवसाय र क्षेत्रमा क्रियाशिल विश्ष्ठि व्यक्तित्वहरुको उपस्थिती रहेको विशेष भेलाले बिरेन्द्र श्रेष्ठको संयोजकत्वमा ५ सदस्यीय तदर्थ समिती निर्माण लगायतका महत्वपूर्ण निर्णय गरेको छ ।
चन्द्र बहादुर गुरुङ, शुक्रऋषि चौलागाई, माया थापा राना र टेकराज जैशी सदस्य रहेको तदर्थ समितिले समूहलाई अझैं सशक्त र प्रभावकारी रुपमा सञ्चालन र क्रियाशिल गर्ने छ ।
भेलाले माघ ८ गते राजापुरबासीबीच पिकनिक आयोजन गर्ने, सोही दिन थप छलफल गरि अनुमोदनसहित अघि बढने निर्णय गरेको छ ।
समूहले राजापुरबासीको मानबीय सेवा लगायतका समग्र हितमा आवश्यक रचनात्मक कार्य र सहजीकरण गर्ने तदर्थ समितिका संयोजक श्रेष्ठले जानकारी दिनु भयो ।
Discussion about this post