खोजखबर संवाददाता
बाँके, असोज ६ गते । ४० औ सामाजिक सेवा दिवस बाँकेमा भव्यताका साथ सम्पन्न भएको छ । नेपालंगंजमा सम्पन दिवसमा दीगो विकासका लागि सामाजिक सेवा विषयक अन्तरक्रिया तथा सामाजिक सेवा गतिविधि प्रर्दशनी गरीएको छ ।
“सुखी र समृद्ध राष्ट्रिय सोच, समाज बिकास हाम्रो अठोट” भन्ने मुल नाराका साथ सन्चालित अन्तकृया कार्यक्रम मा बाँकेमा क्रियाशिल रहेको संघ संस्थाहरुले आफुले गरेका विभिन्न सामाजिक सेवाका विषयमा फोटोहरु प्रदर्शन गरेका थिए। गैरसरकारी महासंघ बाँके शाखाको आयोजनामा भएको कार्यक्रममा वोल्ने सहभागि बक्ताहरुले पछिल्लो समय समाज सेवाको भावना मानिसमा हट्दै गएकोमा चिन्ता व्यक्त गरेका थिए । देशको सम्बृद्धिको लागि सामाजिक सेवाको भावना आवश्यक रहेकोमा जोड दिदै वक्ताहरुले त्यसतर्फ केन्द्रित गराउने खालका कार्यक्रम सरकारले ल्याउन जरुरी रहेको बताए ।
गैरसरकारी संस्थाहरु जिल्ला प्रसासन कार्यालयमा धेरै दर्ता भयपनि सन्चालनमा आयका छैनन् । सबै समाजिक कार्यालयहरुका लागि कानुन एक समान हो र कानुनको दायराको उलंघना गर्न सकिने कुनै पनि गैरसरकारी केन्द्रलाई हक नभयको कार्यक्रम मा सहभागीले जनाएका छन् । समाज सेवाका नाममा कुनै पनि जात जाती भन्ने बिषयमा कानुनले प्रतिबन्ध गरेको र तेस्ता कुरा हरुमा समेत सबैले ध्यान दिनु पर्ने कुरामा सबैले जोड दियका थियँ ।
गैसस महासंघ बाँके शाखाका अध्यक्ष नमस्कार शाहको सभापतित्वमा सम्पन्न भएको कार्यक्रम सचिव आशिष वर्माले संचालन गरेको थिए ।कार्यक्रममा बाँकेका प्रमुख जिल्ला अधिकारी कुमार बहादुर खड्का,नेपालगंज उपमहानगरपालिका मेयर डा. धवल शम्शेर राणा,नेपाल बार एशोसिएशसनका केन्द्रिय उपाध्यक्ष सुनिलकुमार श्रेष्ठ,बाँकेका प्रहरी प्रमुख वीरबहादुर ओली लगायतले आफ्नो धारणा राखेका थिए ।बरिष्ठ अधिवक्त प्रलाद बहादुर कार्कीले सामाजिक सेवाको महत्व,आवश्यकताका बारेमा कार्यपत्र प्रस्तुत समेत गरेका थिए ।
Discussion about this post