बाँके माघ २४ गते ।
बाँकेमा प्रतिबन्धित कुखुराको आयात रोकिएको छैन् । भारतबाट अवैधरुपमा कुखुराहरु आउनेक्रम नरोकिएपछि नियन्त्रणमा प्रहरीलाई चुनौतिपूर्ण देखिएको हो ।
बाँके प्रहरीले दैनिकजस्तो भारतबाट भित्र्याइएका कुखुराहरु नियन्त्रणमा लिने गरेको छ । पछिल्लो पटक वडा प्रहरी कार्यालयको टोलीले नवाजीगाउँबाट करिव ५ सय किलो वोइलर कुखुरा बरामद गरेको प्रहरी निरीक्षक डिल्ली खड्काले जानकारी दिनुभयो ।
तीनवटा मोटरसाइकलमा भित्र्याइएका कुखुरा बरामद गरिएको हो । भे २ प २२०९, ज ४ प १८२७ र भे ३ प ९७२५ नम्वरको मोटरसाइकल समेत प्रहरीले बरामद गरेको छ ।
प्रहरीले प्रतिबन्धित कुखुरा नियन्त्रणमा कडाइ गरेपनि भित्रिनेक्रम भने रोकिएको छैन् । भारतीय कुखुरा यहाँको भन्दा संस्तो मूल्यमा पाइने भएपछि व्यापारीहरुले पनि पारिकै कुखुरा खरिद गर्ने गरेका छन् ।
ADVERTISEMENT
Discussion about this post