बाँके चैत २ गते ।
होलीको पूर्वसन्ध्यामा नेपालगन्जका चोक–चोक तथा गलीमा होलीका सामाग्रीले भरिभराउ भएको छ । यस वर्षको होली भोली विहीबार र पर्सि शुक्रबार मनाईदैछ ।
बालकदेखी बृद्धासम्मलाई होलीको उमङ्गले छोइसकेकोछ । होली आउनु पूर्व नेपालगन्ज तथा आसपासका विद्यालय, कलेजहरुमा होलीले आफ्नो उपस्थिती जनाइसकेकोछ ।
यतिखेर नेपालगन्जका अधिकांश विद्यालय र कलेज बन्दको हुनु पूर्व विद्यालय तथा कलेजबाट घर फर्केने विद्यार्थीहरु रगिन अनुहार लिएर फर्किरहेकाछन् ।
दुई दिनसम्म मनाइने पर्व धार्मिक तथा साँस्कृतिक हिसाबमा महत्वपूर्ण चाडका रुपमा लिइएकोछ । यो चाड पछिल्लो समय हिन्दू धर्मावलम्बीहरु माझ मात्र सिमित भएन ।
अन्य धर्मवालम्बिहरुले पनि उत्तिकै चाख दिएर मनाउने गर्छन् । धार्मिक तथा साँस्कृतिक सद्भावसंग जोडिएको होली पर्वले बैमनस्यता, रिस, राग तथा मनमुटावलाई पनि तोड्ने काम गर्छ । रङ्गहरुको चाड होलीमा विभिन्न प्रकारका रङहरुले खेलेर पर्व मनाइने गरिन्छ ।
नेपालगन्जको त्रिभुवन चोक, बागेश्वरी मन्दिर क्षेत्र, फुलटेक्रा, त्रिवेणीमोडलगायतमा होलीका लागि आवश्यक टिसर्ट, विभिन्न रङ र पिचकारी तथा लोलाहरुका पसलहरु स्थापना गरिएका छन् । ती सामान खरिदका लागि ग्राहकहरुको भीडभाड देखिएको छ ।
Discussion about this post