विरगञ्ज असोज १० गते । बाराको प्रसिद्ध गढीमाई मेलामा बलि प्रथालाई निरुत्साहित गर्नुपर्ने आवाज उठन शुरु भएको छ । यो बर्ष हुने मेलामा बली प्रथालाई निरुत्साहित गर्नुपर्ने आवाज स्थानीय स्तरवाटै उठेको हो ।।
प्रत्येक पाँच बर्षमा लाग्ने गढीमाई मेलामा लाखौं पशुहरु बली दिने विषयमा लामो समयदेखि राष्ट्रिय अन्र्तराष्ट्रिय रुपमा चर्चमा आउने गरेको छ । एकैपटक ठुलो संख्यामा पशुको बलि दिने कुरा गलत भएको भन्दै यो बर्षको मेलामा त्यसलाई रोक्नुपर्ने आवाज स्थानीय स्तरमै उठेको छ । विरगञ्जमा आयोजित छलफलमा सहभागीहरुले नरिवल, कुभिण्डो घिरौलाको बली दिएर यसलाई निरुत्साहित गर्न सकिने बताएका छन् ।
सर्वोच्च अदालत फैसला कार्यान्वयन निर्देशनालयले वीरगन्जमा आयोजना गरेको अन्र्तक्रियामा सहभागी सरोकारावालाहरुले आस्थाको नाममा पशुवली दिनु गलत हुने बताएका छन् ।
गढीमाई मेलामा दिइने बलीका बारेमा हरेक बर्ष प्रश्न उठने गरेकाले पनि ब्यवस्थित र उदहारणीय मेलाको सन्देश दिनुपर्ने सहभागीहरुको भनाइ थियो । मनोकामना पुरा भएपछि बली नै दिनुपर्ने मनभित्रको डर हटाउनुपर्ने र यसको लागि बढि भन्दा बढि जनचेतनाको आवश्यक्ता रहेको कार्यक्रममा सहभागीको भनाइ थियो ।
धार्मिक आस्थासँग जोडिएको विषयलाई तत्काल परिवर्तन गर्न नसकिने भएकाले व्यवस्थित गर्न भने पहल गर्नुपर्ने आवाज यसअघिपनि उठदै आएको थियो । सर्बोच्च अदालतले समेत यसअघि नै बलीप्रथा रोक्न परमादेश तथा निर्देशनात्मक आदेश दिइसकेको छ । प्रत्येक ५ वर्षमा लाग्ने यो मेला यस वर्ष आउँदो मंसिर १७ गतेदेखि शुरू हुँदैछ । मेलामा बलि दिन नेपाललगायत भारतका लाखौं दर्शनार्थी आउने गरेका छन् ।
Discussion about this post