बाँके चैत १० गते ।
आज विश्व क्षयरोग दिवस । विश्वभरी विभिन्न सचेतनामूलक कार्यक्रम गरेर विश्व क्षयरोग दिवस मनाइँदैछ । बाँकेमा पनि क्षयरोग दिवसमा विभिन्न कार्यक्रमहरु तय भएका छन् ।
क्षयरोग तत्काल पहिचान, नियमित औषधीले निको हुन सक्दछ । विश्व क्षयरोग दिवसको अवसरमा स्वास्थ्य कार्यालय बाँकेले विभिन्न सरोकारवाला संस्थाहरुसँगको समन्वयमा हिजो आयोजना गरेको पत्रकार सम्मेलनमा बोल्दै स्वास्थ्य कार्यालय बाँकेकी निमित्त कार्यलय प्रमुख सुनिता पौडेलले क्षयरोगी उपचारको पहुँचमा नआउनु, लक्ष्य अनुसार क्षयरोगीको पहिचान नहुनु चिन्ताजनक भएको बताउनुभयो ।
उहाँले खुला सीमासँग जोडिएको बाँके जिल्ला सधै सरुवा रोगको जोखिममा हुने गरेको उल्लेख गर्दै क्षयरोग नियन्त्रणका लागि हाल भैरहेका भन्दा थप उपायहरु अवलम्वन आवश्यक रहेको बताउनुभयो । बाँकेमा चालू आर्थिक वर्षमा क्षयरोगबाट २५ जनाको मृत्यु भएको छ ।
स्वास्थ्य कार्यालय बाँकेका क्षयरोग फोकलपर्सन मानव नेपालीका अनुसार चालू आर्थिक वर्षको साउनदेखि पुस महिनासम्म क्षयरोगबाट २५ जनाको मृत्यु भएको हो ।
Discussion about this post