बाँके चैत २९ गते ।
एडभोकेसी फोरम नेपालद्वारा बाल सुधार गृह बाकेमा रहेका बालकहरुको लागी ल्यापटप, स्पीकर र प्रोजेक्टर लगायतका संचार सामाग्री हस्तान्तरण गरिएको छ ।
सुधार गृहमा रहेका बालकहरुले भिडियो सम्बाद मार्फत कानून ब्यवशायीसंग मुद्धाको बारेमा परामर्श गर्न र घरमा रहेका आफन्तसंग भिडियो कुराकानी गर्न सहज होस भन्ने उदेश्यले संचार सामाग्री उपलब्ध गराईएको एडभोकेसी फोरमका वरिष्ठ प्रदेश संयोजक बसन्त गौतमले बताए ।
फोरमले यस अघि पनि लत्ताकपडा, खानेपानीको फिल्टर, खेलकुद सामाग्री, कम्युटर, इन्टरनेट लगायतको सहयोग गर्दै आएको संयोजक गौतमले जानकारी दिए । संचार सामग्री हस्तान्तरण कार्यक्रममा बाँके जिल्ला अदालतका न्यायाधीश खडानन्द तिवारी, बाँकेका प्रमुख जिल्ला अधिकारी सुर्यबहादुर खत्री, जिल्ला बार एसोसिएसनका अध्यक्ष जनक बहादुर शाही, बाल सुधार गृहका इन्चार्ज बिमला काउचा मगर लगायतको उपस्थिति रहेको थियो ।
उपस्थित अतिथिहरुले संचार सामाग्रीको सहि प्रयोगले बालकहरुलाई फाईदा पुग्ने भन्दै सुधार गृह साचिक्कै सुधार गृह जस्तो बनाई बालकहरुलाई असल नागरिक बनाउनमा सबैको सकारात्मक भुमिका हुनु पर्नेमा जोड दिएका थिए ।
क्षमता भन्दा बढी बालक राखिदा कष्टकर बसाईमा बालक
सुधार गृहमा क्षमता भन्दा बढी बालक राखिदा त्यहा रहेका बालकहरु कष्ठकर दैनिकी बिताउन बाध्य भैरहेको गुनासो गरेका छन् । ७० जनाको क्षमता भएको बालसुधार गृहमा हाल १८३ जना बालकहरु रहेका छन् ।
बालसुधार गृहमा रहेका बालकहरुमा छाला रोगको संक्रमण, क्षमता भन्दा बढी बालक राखिदा बसाईमा समस्या, शौचालयको समस्या, ढलको समस्या, बिद्युतको भोल्टेज लगायत शिक्षा स्वास्थयमा समस्या रहेको बालकहरु बताउछन् ।
सुधार गृहमा क्षमता भन्दा बढी बालकहरु राखिदा स्थान अभावमा बालकहरु शौचालय अगाडी सुत्न बाध्य हुनु परेको रातीमा शौचालय जानमा समस्या पर्ने गरेको त्यहाँ रहेका बालकहरुको गुनासो छ ।
Discussion about this post