बाँके बैशाख १० गते ।
नेपालगन्जको त्रिभुवन चोक एतिहासिक मानिन्छ । नेपालगन्ज घुम्न आउने प्राय मानिसहरु त्रिभुवन चोक पुग्ने गर्छन् । हिंजोआज त झन चुनाव नजिकिएसँगै यहाँ राजनीतिक गतिविधिपनि बढेको छ ।
उम्मेदवारका आकांक्षीहरुको यहाँ आउजाउ बाग्लिएको छ । तर यही एतिहासिक चोकमा भने फोहोरको डंगुर लाग्ने गरेको छ । यहाँ पुग्ने अधिकांश मानिसहरु नाक थुनेर हिड्नु परेको छ । नगरकै मुटु मानिएको ठाउँ फोहरले दुर्गन्धित हुँदा पनि सम्वद्ध सरोकारवालाको ध्यान जान सकेको छैन् ।
नेपालगन्ज उपमहानगरपालिका ११ मा पर्ने त्रिभुवन चोकमा स्थानीयले सडकमै फोहोर फाल्दिने गरेका छन् । साँझको समयमा उनीहरुले सडकमै फोहोर फाल्ने गर्छन्। जव साँझ पर्न थाल्छ तव त्रिभुवन चोकमा फोहोर फाल्नेक्रम बढ्न थाल्छ ।
खासगरी त्यहाँ पशुपति दयाल मिश्रको चटकारे छ । उक्त चटकारेले झन फोहोर थप्ने काम गरेको छ । तिनै पशुपतिदयाल अहिले नेकपा एमालेबाट नेपालगन्जको मेयर पदका उम्मेदवार समेत हुन् ।
नेपालगन्जलाई सुन्दर र सफाइयुक्त सहर बनाउने उद्घोष मिश्रले आफ्नो चुनावी प्रतिबद्धतामा गरेका छन् । तर उनकै चटकारे पसलबाट आएको फोहोर बाटोमा फालिँदा त्रिभुवन चोक दुर्गन्धित भएको छ । सर्वसाधरणहरुले स्थानीयलाई फोहोर नगर्न सुझाव दिन्छन् । त्रिभुवन चोक त प्रसिद्ध छ, यो पर्यटकिय पनि हो ।
यहाँका स्थानीयले जथाभावी फोहोर गर्नु राम्रो होइन एकजना सर्वसाधरणले अनलाइन खोजखवरलाई भने । तर कसैलाई मतलव छैन् । नेपालगन्ज उपमहानगरपालिकाका मेयर धवल शम्शेर राणाले नगरलाई स्मार्ट सिटि बनाउने भनेर पटक पटक घोषणा गरेका छन् । तर साँझ एक फन्को त्रिभुवन चोक घुमे स्पष्ट हुन्छ स्मार्ट सिटि ।
Discussion about this post