बाँके बैशाख २५ गते ।
राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देनले नेपालगन्ज र कोहलपुरमा चुनावीसभालाई सम्वोधन गरेलगत्तै राप्रपाप्रतिको जनलहर बढेको छ। नेपालगन्जमा मेयर पदका उम्मेदवार नन्दालाल बैश्यसहितका उम्मेदजारलाई लिङ्देनले जिताउन अपिल गरेका थिए ।
त्यसलगत्तै राप्रपाका तर्फबाट मेयर पदका उम्मेदवार बैश्यपनि चुनावी अभियानमा होम्मिएका छन् । अन्य पार्टीका उम्मेदवारले जितेमा नेपालगन्जको विकास नहुने चेतावनी दिए । ‘स्वार्थका लागि गठबन्धन गरिएको छ ।
जितिहालेमा कसको एजेन्डा लागु गर्छन् ?,’ बैश्यले भने, ‘गठबन्धनले जितेमा लडाइँ झगडा हुन्छ । विकास हुँदैन ।’ उनले गलत मान्छेलाई मत दिएर नेपालगञ्जको मेयर नबनाउन आग्रह गरे।
उनले नेपालगञ्जलाई गुण्डाको अखडा बन्न नदिन अनुरोध गरेका छन् । ‘गलत मान्छेलाई भोट दिएर मेयर बनाउनुभयो भने पाँच वर्षसम्म पछुताउनुबाहेक केही गर्न सकिँदैन, नेपालगञ्जवासीले सबैलाई राम्ररी चिनेका छन्, सोच विचार गरेर भोट दिनुस्,’ बैश्यले भनेका छन ।
वैश्यले आफू शासन गर्न नभइ सेवा गर्नका लागि मेयर हुन खोजेको बताए । उनले आफूले मेयर जितेमा भ्रष्टाचार नगर्ने बताए। ‘आमाको कसम खान्छु । मैले जितेँ भने भ्रष्टाचार गर्दिनँ,’ वैश्यले भने । यही अभियानका साथ आफु नेपालगन्ज बनाउन मेयरमा चुनाव लडेको बताएका छन् ।
Discussion about this post