बाँके जेठ २१ गते ।
प्रहरी हिरासत भित्र थुनुवा मृत्यु प्रकरणका घटनामा अनुसन्धानमा ढिलाइ देखिएको छ ।जस्का कारण पीडित परिवार न्याय पाउनबाट बंचित देखिएका छ्न ।
कोहलपुर, नरैनापुर र रोल्पा हिरासतमा भएका घटनामा पीडित परिवारले न्याय पाउंने अवस्था कम देखिएको छ।
बाँकेको इलाका पुलिस कार्यालय कोहलपुरको हिरासतमा केही साताअघि एकजना थुनुवाको मृत्यु भएको घटना सार्वजनिक भएको थियो ।
केही साताको अन्र्तरमा फेरि अर्का एक जना थुनुवाको हिरासतमा मृत्यु भएको पनि घटना सार्वजनिक भयो । सातादिनमा बाँके र रोल्पामा गरी दुई जना थुनुवाले हिरासतमै ज्यान गुमाएका थिए ।
तर यसको छानबिन तथा अनुसन्धान अहिलेपनि हुन सकेको देखिदैन ।तत्कालिन अवस्थाका बाँकेका एसपी श्यामकृष्ण अधिकारी कोहलपुरका डिएसपी ऐनबहादुर मल्ल लगायतका सुरक्षा निकायका अधिकारीले यी घटनाको तत्काल छानबिन र अनुसन्धान हुने र घटनाका बारे सत्य सार्वजनिक गरिने बताएका थिए ।
कोहलपुर नगरपालिका–१२ का ४६ वर्षीय कृष्णलाल कुँवरको इलाका प्रहरी कार्यालयको हिरासत कक्ष परिसरको ट्वाइलेटमा झुण्डिएको अवस्थामा शव फेला परेको थियो । हिरासत कक्षबाट ट्वाइलेट गएका उनले ट्वाइलेटको भेन्टिलेलेटरमा टि–सर्टको पासो घाँटीमा लगाएर मृत्युवरण गरेको प्रहरी रिर्पोटमा उल्लेख छ ।
कुवँरलाई वैशाख १९ गते जबरजस्ती करणीको अभियोगमा पक्राउ गरी म्याद थप गरेर आवश्यक अनुसन्धानका लागि कोहलपुर इलाका प्रहरी कार्यालयले हिरासतमा राखेको थियो ।घट्नालगत्तै मानव अधिकारकर्मी, जनप्रतिनिधि बसेर मुचुल्का उठाई पोष्टमार्टका लागि शव भेरी अस्पताल पठाइएको बाँकेका डिएसपी तथा पुलिसका प्रवक्ता मधुसुदन न्यौपानेले बताएका थिए ।
अस्पतालको पोष्टमाटम रिर्पोट के आयो भन्ने समेत अहिले पुलिसले सार्वजनिक गर्नसकेको छैन ।यसैबिच नेपालगञ्ज–२ घरबारी टोलका सुन्दर हरिजनको पनि रोल्पा कारागारको ट्वाइलेटमै झुण्डिएर मृत्यु भएको छ ।कारागारमा रहेका विजय विक्रमको सजाय हरिजनलाई भुक्तान गर्न लगाई विजय विक्रम भने कारागारबाट रिहा भइसकेका छन् ।
यस घटनाका बारे पनि अहिलेसम्म वास्तविक छानबिन र अनुसन्धान हुन सकेको देखिदैन । यसरी अनुसन्धान भएर तत्काल सत्य कारण सार्वजनिक नहुँदा पीडित र उसका परिवार उचित न्यायबाट बन्चित भैरहेका छन ।
प्रहरी हिरासतमा मृत्यु भएको घटनाले बांके प्रहरी मातहतका प्रहरी हिरासत कक्ष अब बिस्तारै मृत्यु कक्षको रुपमा परिणत हुदै गएको घटना बिवरणले बताउदै गइरहेको छ । केही समयअघि बाँकेको राप्तीपारी भोजभगवानपुरमा पनि प्रहरी हिरासतमा लिएका बाँकेको नरैनापुर गाउँपालिका वडानम्वर ५ का ३५ बर्षिय रामपाल यादबको मृत्यु भएको थियो ।
उक्त घटना पनि रहस्मय देखिएको छ ।केही महिना अघि बाँके जिल्ला प्रहरी हिरासत कक्षमा झुण्डिएको अवस्थामा दुई जना कैदी बन्दीको मृत्यु भएको थियो । बाँकेमा यसरी ज्यान गुमाउनेको संख्या बढिरहेको छ ।सुरक्षाको ग्यारेन्टी लिएर थुनामा राखिएका व्यक्तिकै यसरी ज्यान जानु गम्भीर घटना हो ।
यसको सरकारी निकायले जति ढाकछोप गरेपनि आफन्तले अधिकाशं घटनामा मृतकको शरिरमा निलडाम देखिएको दाबीगर्दै आएका छन ।यद्दपी अहिलेपनि यी कुनै घटनामा छानबिन तथा अनुसन्धान भएको छैन । बाँके पुलिसका प्रवक्ता न्यौपाने जहिले पनि रेडिमेट जवाफ अनुसन्धान भैरहेको छ भन्दा थप प्रतिक्रिया दिदैनन ।
अघिपछि ठुला स्वरमा कराउँने मानवअधिकारकर्मी र राष्ट्रिय मानवअधिकार आयोग समेत यी र यस्ता घटनामा यतिबेला चुपचाप देखिएको छ । बाँकेमा दर्जनबढी अधिकारकर्मी बन्दका बेला निला, पहेला जाकेटधारी बनेर सडकमा भौतारिने गरेका छन । तर, यस्ता घटनामा उनीहरूको आवाज खुलेको देखिदैन ।
Discussion about this post