बाँके जेठ २८ गते ।
कोहलपुर नगरपालिकामा कर्मचारीहरुको मनोमानी ढंगले विदा लिने गरेको पाईएको छ ।
कोहलपुर नगरपालिकामा फाइरमेन पदमा कार्यरत कर्मचारीले जेठ १३ गते देखि १९ गते सम्म कार्यालयको कामको लागी भन्दै एक हप्ता काठमाण्डौ काजमा गएको कार्यलयको हाजिरी पुस्तिकामा देखिन्छ ।
तर उक्त व्यक्ति कक्षा १२ को वार्षिक परिक्षमा एभरेष्ट मावि परिक्षा केन्द्रमा १६ ,१७ ,१८ गते परिक्षमा सहभागि भएको परिक्षामा गरिएको हाजिरी विवरण वाट देखिन्छ ।
यसरी सरकारी काममा जाने नाममा कर्मचारीहरुले आफ्नो व्यक्ति गत काम गर्ने र नगर पालिका वाट सातदिनको काज मार्फत पाउने रकम समेत बुझेर लगेको देखिन्छ । उनले ७ दिनको काज भत्ता वाफत १०५०० दश हजार पाँच सय रुपैया बुझेर लगेको देखिन्छ ।
यस विषयमा कोहलपुर नगरपालिकाका प्रमुख प्रशासकीय अधिकृत टिकाराम ढकालले कर्मचारी वाट यस्तो काम भएको भए आफुले सत्य तथ्य बुझेर कावाहि गर्ने बताए ।
उनले भने काजमा पठाउने भनेको सम्वन्धित शाखाको सिफारिसमा आफुले नै तोक लगाएको बताए । निज कर्मचारी फायरमेन पदमा जागिर खाएपनि अहिले कोहलपुर नगरपालिकाको योजना शाखामा काम गदै आएको जानकारी ढकालले गराए । योजना शाखा प्रमुखको सिफारिसमा आफुले काजपत्रमा तोक लगाएको ढकालले बताए ।
यस विषयमा कोहलपुर नगरपालिकाका नगर प्रमुख पुर्ण प्रसाद आचार्यले यो विषय कर्मचारीहरुको भएकोले आफुलाई केहि थाहा नभएको बताए । यस विषयमा आफुले तत्काल बुझेर अगाडि वढ्ने आचार्यले बताए ।
यसरी झुटो विवरण पेश गरेर सरकारी पैसाको दुरुपयोग गरेमा भ्रमण खर्च नियमावली २०६४को दफा २३मा कुनै कर्मचारी वा पदाधिकारीले झुटा विवरण पेस गरेर भुक्तानी लगेको भएमा लिएको रकमको दोव्वर रकम निज सरकारी सेवामा रहेको भए निजले पाउने तलबबाट कट्टा गरी लिईनेछ ।
र निज लाई कावाहि समेत गरिने व्यवस्था रहेको छ ।
Discussion about this post