बाँके असार ७ गते ।
दुई ग्राम लागु औषध ब्राउन सुगरसहित जमुनाहमा दुईजना पक्राउ परेका छन् । पक्राउ पर्नेमा कोहलपुर नगरपालिका १ कौशिलानगरका ३० वर्षीय प्रकाश रोकाय र मुगु छायाँनाथ रारा नगरपालिका ३ झुलीका ३० वर्षीय श्रीबहादुर खड्का रहेका छन् ।
उनीहरु भारतबाट नेपाल आउँदै थिए । शंकास्पद गतिविधि देखिएपछि जमुनाह चेक पोष्टको टोलीले चेकजाँच गर्नेक्रममा उनीहरुबाट लागु औषध फेला परेको इन्चार्ज माधव रिजालले बताउनुभयो ।
उनीहरुको साथबाट प्रहरीले मोवाईल र सीम समेत बरामद गरेको छ । उनीहरुमाथि थप अनुसन्धान भइरहेको प्रहरीले जनाएको छ ।
ADVERTISEMENT
Discussion about this post