बाँके असार १८ गते ।
नेपाल कम्यूनिष्ट पार्टी एमाले र जनता समाजवादी पार्टी डुडुवा गाउँपालिका कमिटी बाँकेले शनिवार नेपालगन्जमा संयुक्त पत्रकार सम्मेलन गरि प्रेस बिज्ञप्ती सार्वजनिक गरेका छन् ।
डुडुवा गाउँपालिकाको अध्यक्ष नरेन्द्र कुमार चौधरीले मनोमानी एकलौटी रुपमा पालिकाको निर्णय गर्ने र निर्णयमा वडा अध्यक्ष समेतलाई जानकारी नगराई मनपरि तन्त्रले पालिका संचालन गराउन खोजेको पत्रकार सम्मेलनमा डुडुवा गाउँपालिका वडा नं. ५ का वडा अध्यक्ष झंक बहादुर थापाले बताउनुभयो ।
स्थानिय तहमा एक्लौटी शासन चलाउन खोजेको र यसलाई रोक्न खोज्दा अनाहकमा बहुमतको दम्भ देखाएको भन्दै बैठक स्थगित गर्ने गरेको वडा अध्यक्ष थापाले बताउनुभयो । बारम्बार पालिका बैठकमा एकलौटी निर्णय पारित गराउन खोज्ने र आफुहरु मान्य नभएपछि उहाँले अहिलेसम्म गाउँपालिका सभा समेत नगरेको उहाँले बताउनुभयो ।
पालिका भित्र रहेका नातावाद तथा सरकारी सम्पत्तिको दुरुपयोग रोक्नको लागि नेकपा एमाले र जसपा डुडुवा गाउँपालिका कमिटीले संयुक्त प्रेस बिज्ञप्ती निकाली पालिकाको सम्पत्ति सार्वजनिक गर्न तथा सरकारी सम्पत्तिलाई निजी कार्यमा प्रयोग नगर्न उनिहरुले बारम्बार माग गर्दै आएको जनाएका छन् ।
स्थानीय तहको निर्वाचन परिणाम पश्चात डुडुवा गाउँपालिकामा वडासदस्य, वडा अध्यक्षहरुले नीतिपुर्ण ढंगले माग राख्दा समेत पालिका अध्यक्ष चौधरीले कुनै सहमती नजनाएपछि प्रेस बिज्ञप्ती सार्वजनिक गर्न बाध्य भएको डुडुवाका जनप्रतिनिधीहरु बताएकाछन् ।
पालिका अध्यक्षले स्वंम मनोमानी एकलौटी निर्णय गरेर पालिका चलाउने भए वडा अध्यक्षको के काम भनेर डुडुवा गाउँपालिका वडा नं ५ का वडा अध्यक्ष झंक बहादुर थापाले गुनासो पोख्नुभयो ।
वडाअध्यक्ष तथा वडासदस्यहरुलाई पालिकामा हुने गतिबिधीको बारेमा जानकारी नगराउँने र छलफल गरौ भन्दा समेत अनेकथरी बहाना बनाई उपस्थिती समेत नगराउँने डुडुवा नेकपा एमाले, जसपाको वडा अध्यक्ष तथा वडा सदस्यहरुले असन्तुष्टि व्यक्त गरेका छन् ।
यस्तै बाँके डुडुवा गाँउपालिकामा नेकपा एमाले/जनता समाजबादी पार्टीले कार्यपालिकामा आफनो बहुमतको आडमा बैठक अवरोध गर्दै आएपछि बैठक संचालन गर्नमा समस्या आएको पालिका अध्यक्ष चौधरीले बताउनुभयो ।
०७४ अनुसार कार्यपालिका बैठकमा प्रस्तुत हुने प्रस्तावहरु अध्यक्षबाट स्विकृत गराई प्रमुख प्रशासकिय अधिकृतले कार्यपालिकाको बैठकमा सचिवको हैसियतले एजेण्डा प्रस्तुत गर्नुपर्ने काुननी प्रावधानलाई अध्ययन नै नगरि कार्य विपरिर्त कैपटक विभिन्न विषयहरुमा छलफल गर्दा बैठक संचलन गर्नमा कठिनाई उत्पन्न भएको अध्यक्ष चौधरीले शनिवार एक विज्ञप्ती प्रकाशित गरि जानकारी गराउनुभएको छ । 
Discussion about this post