सरला सुवेदी
बाँके साउन १२ गते ।
पीपल संस्थाले मुगुको मुगुम कार्माराङ गाउँपालिकामा रहेको नेपाल राष्ट्रिय आधारभूत आवासीय विद्यालयमा अध्ययनरत ३२५ जना विद्यार्थीहरूलाई पोशाक सहयोग गरेको छ ।
बुधबार कोहलपुरमा पत्रकार सम्मेलन गरि विद्यालयमा अध्ययरत विद्यार्थीहरूको सहजताका लागि विद्यालयलाई पोशाक हस्तारण गरेको हो ।
भौगोलिक विकटताका कारण पठनपाठनमा समस्या हुँदै आएको जानकारी पाएपछि विद्यार्थीहरुलाई अध्ययन गर्न सजिलो होस् भनेर पोशाक सहयोग गरिएको पीपल संस्थाका जगदिश पराजुलीले बताए ।
विद्यालयमा अध्ययनरत विद्यार्थीहरूलाई जाडोमा चिसोबाट जोगिन सहयोग पुगोस् भन्ने उद्देश्यले व्यक्तिगत सहयोग स्वरूप करिब छ लाख बराबरको पोशाक सहयोग गरेको पराजुलीले बताएका हुन् ।
नेपाल सरकारले मासिक ४ हजारभन्दा बढिका दरले विद्यार्थीहरुलाई छात्रवृत्ती सहयोग गरेपनि त्यो प्रयाप्त नभएका कारण विद्यालयको अनुरोधमा आफूहरूले पोशाक सहयोग गरेको पिपलका संघर्ष राईले बताए ।
पत्रकार सम्मेलनमा बोल्दै राईले पोशाककै कारण बालबालिकाहरू बिद्यालय आउनबाट बन्चित नहोउन् भनेर यो सहयोग गरिएको बताए । उनले भने ‘यो सहयोग सानो भएपनि पोशाकले विद्यार्थीहरूलाई चिसोबाट जोगाउन सहयोग पुग्नेछ ।
यस्तै पोशाक बुझ्दै बिद्यालयका प्रधानाध्यापक रविन्द्र शाहीले बिद्यालयको अबस्था राम्रौ भएता पनि भौगोलिक बिकटाका कारण पनि बिद्यार्थीहरुलाई असहजता हुने गरेको बताए । पिपल संस्थाले कक्षा १ देखि ८ सम्मका ३ सय २५ जना बालबालिकालाई जुत्ता,मोजा, ट्रयाकसुट र टिसर्ट दिएको धन्यवाद समेत दिएका थिए ।
आगामी दिनहरुमा पनि यस्तै सहयोग भएको खण्डमा विकटका विद्यार्थीहरुको बिद्यालयसम्म सहजै पहुँच हुनुका सथै उनीहरुको शिक्षा पाउने मौलिक हक पनि सुनिश्चितता हुने बताए ।
कार्यक्रममा मुगुका पत्रकार जीवन सेजुवालले यस्तो सहयोगले दुर्गम क्षेत्रका बालबालिकाहरूलाई विद्यालयमा पठनपाठनका लागि नियमित आउन प्रेरित गर्ने बताए ।
कार्यक्रममा मुगुम कार्माराङ गाउँपालिकाका नायब सुब्बा गौरीकान्त चौलागाईले कर्णाली प्रदेशलाई दुर्गम छ भनेर मात्रै नहुने र त्यसका लागि सबैले सहयोगी हात बढाउनु पर्ने बताए । उनले भने ‘पीपल संस्थामार्फत् आफ्नो स्थानीय तहको विद्यालयमा आएको पोशाक सहयोगका लागि सदैव कृतज्ञ रहने छु भन्दै धन्यवाद ज्ञापन समेत गरे ।’
Discussion about this post