दाङ भदौ १८ गते ।
दाङमा बस दुर्घटना हुँदा १६ जना घाइते भएका छन् । नारायणगढबाट बर्दियातर्फ जाँदै गरेको ना ६ ख ९६७९ नम्बरको बस शुक्रबार बेलुका पूर्व(पश्चिम राजमार्ग अन्तर्गत लमही नगरपालिका ९ शिवखोला नजिकै पल्टिँदा १६ यात्रु घाइते भएका हुन् ।
ब्रेक फेल भई बस सडकको बाँयातर्फ पल्टिँदा बसमा सवार ३० मध्ये १६ यात्रु घाइते भएको जिल्ला प्रहरी प्रवक्ता डीएसपी राजनकुमार गौतमले बताए ।
घाइतेहरूलाई उपचारका लागि बाँकेको कोहलपुर मेडिकल कलेज पठाइएको उनले जानकारी दिए । दुर्घटनापछि बस चालक तथा मालिक चितवनको माडी नगरपालिका ६ का ३८ वर्षीय अर्जुन चापागाईँ र सहचालक बर्दियाको मधुवन नगरपालिका ८ का २२ वर्षीय रुपक शर्मालाई नियन्त्रणमा लिएको गौतमले बताए ।
ADVERTISEMENT
Discussion about this post