बाँके असोज १९ गते । नेपालगञ्जको रानीतलाउमा डुबेर एक जना व्यक्तिको मृत्यु भएको छ । गएराती ३ बजे तिर तलाउको पर्खालमाथिबाट तलाउ परिसरमा प्रवेश गरेका नेपालगञ्ज उपमहानगरपालिका वडा नम्बर ७ बस्ने २३ बर्षिया सुनिल भित्रकोटिको मृत्यु भएको छ ।
मृतक व्यक्तिको शव आज विहान करिब ९ः३० मा नोपालगञ्ज प्रहरी प्रशासन र नेपालगञ्ज उपमहानगरपालिकाको सहयोगमा घटनास्थलबाट मृत अवस्थामा उद्दार गरि भेरी अञ्चल अस्पतालमा पोष्टमार्टमका लागि पुर्याएको छ । बिहान १० बजेदेखि बेलुका ७ बजेसम्म मात्र सार्वजनिकरूपमा खुल्ला रहने रानीतलाउभित्र राति ३ बजे तिर उनि किन प्रवेश गरे होलान भन्ने कुराको पुष्टि अझै हुन नसकेको प्रहरी प्रहरी ले जनाएको छ । साथै घटनाको थप अनुसन्धान भइरहेको छ । यस भन्दा पहिले पनि रानितलाउमा डुबेर एक जना व्यक्तिको मृत्यु भइसकेको छ । तलाउमा डुबेका उनको लाश परीवार ले बुझि सकेका छन ।
Discussion about this post