बाँके कात्तिक २५ गते ।
मंसिर ४ को मिति नजिकिँदै गर्दा बाँकेको क्षेत्र नम्बर २ को गणितमा परिवर्तन देखा पर्ने संकेत देखिएको छ ।
बाँके क्षेत्र नम्बर २ मा प्रमुख प्रतिस्पर्धीका रुपमा जनता समाजवादी पार्टी (जसपा)का उम्मेदवार इश्तियाक राई, राप्रपाका उम्मेदवार डा. धवल शमशेर राणा रहेका छन् ।
र नेपाली कांग्रेसका उम्मेदवार सुदिप नरसिंह राणा पनि रहेका छन् । बजारको चुनावी माहोल र चर्चालाई आधार मान्ने हो भने क्षेत्र नम्बर २ मा राणा र राईको प्रतिस्पर्धा हुनेछ ।
चुनावको मुखमै राप्रपाभित्र भएको केही विद्रोहले उम्मेदवार राणालाई असर पार्न सक्ने संकेत देखा पारेको छ । स्थानीय तहमा राम्रो मत ल्याउन सफल, राप्रपाकै जिल्ला उपाध्यक्ष तथा केन्द्रीय सदस्य समेत रहेकी बिन्दु चर्ती मगरले राप्रपा छोडे संगै चुनावी हिसाबकिताब बिग्रीएको आकलन गर्न थालिएको छ ।
उसो त यसलाई आकलन भन्दा गलत हुनेछ । सत्य के हो भने अहिलेको अवस्थामा कुनै पनि नेता संग केही न केही संख्यामा कार्यकर्ता र केही सयको संख्यामा मतदातामा पकड रहेको हुन्छ ।
त्यसमा राप्रपामै जिल्ला स्तरमै चर्चित र महिला उधमीलाई एकत्रित गर्दै राजनितीमा होमिएकी चर्ची मगरले पार्टी छोड्दा राणाको मतमा असर पर्ने निश्चित नै छ ।
चर्तीमगरले दुई दिनअघि सामाजिक सञ्जालबाट गरेको विद्रोहले हलचल ल्याएको छ । आन्तरिक खिचातानी र बिबादले जन्माएको बिद्रोहले राप्रपाको हिसाब बिग्रदा फाइदा राई वा कांग्रेसका उम्मेदवार राणालाई पर्ने बजारमा चर्चा चल्न थालेको छ ।चिया पसल र कफि पसलमा चल्ने चर्चा धेरैको सोधिने प्रश्न भनेको आजको दिनमा चर्ची मगरले राप्रपा उम्मेदवार राणालाई कत्तिको असर गर्छ ? भन्ने नै छ । पहिलो कुरा विन्दु चर्तीमगर राप्रपा बाँकेको नाम चलेकै नेतृ थिइन् । उनलाई बाँकेमा राजनीतिकसँगै, व्यवासयी, समाजसेवीको परिचय बलियो छ ।
उनको व्यवसायी क्षेत्रमा आफ्नै पहुँच छ । उनी लुम्बिनी फ्लोरिकल्चर एसोशियसनकी उपाध्यक्षसमेत हुन् । उनलाई बाँकेमा पुष्प व्यवसायी सुरुवात गरेको श्रेय पनि जान्छ ।त्यस्तै समाजसेवाका रुपमा उनले मानिसलाई व्यक्तिगत रुपमा आफ्नो व्यावसायको माध्यामबाट सहयोग गरिहेकी हुन्छिन् ।
अर्को सन्दर्भमा २०७९ को स्थानीय तहको निर्वाचनलाई हेर्ने हो भने पनि राप्रपाबाट नेपालगन्ज उप–महानगरपालिकाको उपप्रमुख पदका लागि विन्दुले उम्मेदवारी दिएर लडिसकेकी छिन् । सो निर्वाचनमा विन्दुले नेपालगन्जमा राप्रपामात्रै नभएर उनको पनि व्यक्तिगत भोट छ भन्ने प्रमाण दिएकी छिन् ।
सो निर्वाचनमा विन्दुले प्रमुखमा राप्रपाबाट उम्मेदवार दिएका नन्दलाल वैश्य भन्दा २ हजार ५ सय ३७ मत बढी ल्याएकी थिइन् । यसको अर्थ विन्दुले स्थानीय निर्वाचनमा पाएको सो मत विन्दुको विद्रोहका कारण अन्त जान सक्ने सम्भावना प्रवल रहन्छ ।यसर्थ उनको विद्रोहले डा.राणालाई चुनावमा ठूलो धक्का लाग्ने निश्चित देखिन्छ ।
चर्ती मगरको करिब २५ सय ब्यक्तिगत मत बाहिर जाने सम्भावना रहेको बजारको कुरालाई मान्ने हो भने राणालाई यो निर्वाचन फलामको चिउरा चपाउनु जस्तै बन्ने छ ।
Discussion about this post