बाँके कात्तिक ३० गते ।
जसपा बाँकेका अध्यक्ष कमरुद्दिन राईले डुडुवाको विकासका लागि जसपालाई मत दिन अपिल गरेका छन् ।
जसपा बाँके क्षेत्र नं.२ ले आयोजना गरेको सभालाई सम्वोधन गर्दै उनले अव तानाशाही प्रवृत्तिलाई निरुत्साहित गर्न जरुरी रहेको बताए । उनले भने–‘डुडुवाको विकास चाहानुहुन्छ भने जसपालाई मत दिनुहोस् ।’ उनले राप्रपाका महामन्त्री धवलशम्शेर राणाले नेपालगन्जको कुनैपनि विकास नगरेको समेत जिकिर गरेका छन् ।
नेपालगन्जमा मत आउने अवस्था छैन उनले भने–‘अहिले राणा डुडुवामा हारगुहार गर्न आएका छन त्यसलाई सफल हुन दिनु हुन्न् ।’ उनले केही समुदाय जातिय र धर्मका नाममा राजनीति गर्न खोजेकोमा आपत्ति जनाए । एमाले र राप्रपाको गठबन्धनलाई परास्त गर्न डुडुवाबासीलाई आव्हान समेत गरेका छन् ।
आफ्ना उम्मेदवारलाई विजयी बनाए डुडुवा गाउँपालिकाको सम्पूर्ण विकास निर्माणको कामले पूर्णता पाउने समेत विश्वास दिलाएका छन् । नेपालगन्जमा असफल मेयरका रुपमा दर्ज भएका राणालाई मत नदिन पनि आग्रह गरेका छन् ।
उनले नगर प्रमुख हुँदा कुनै पनि विकास निर्माणका काम गरेका छैनन उनले भने–‘प्रतिनिधिसभामा जिताएपनि उनले विकास निर्माणका काम गर्न सक्दैनन त्यसैले विकासप्रेमी नेता राईलाई मत दिएर जिताउन अपिल गर्दछु ।’ राईको दमदार भाषणले सुन्नेहरु दंग परेका थिए ।
Discussion about this post