बाँके मंसिर १३ गते ।
लुम्बिनी प्राविधिक विश्वविद्यालयले ‘बिटेक इन सिएस एण्ड एआई’ र ‘बिटेक इन आईटी’ अध्ययन गर्न लागेका बिद्यार्थीलाई अभिमुखिकरण गरेको छ । नेपालगन्जमा बुधबार औपचारिक कार्यक्रम गरेर विश्वविद्यालयमा भर्ना भएका बिद्यार्थीलाई अभिमुखिकरण गरेको हो ।
विश्वविद्यालयले यही मंसिर २० गतेदेखी नियमित रुपमा पठन पाठन सञ्चालन गर्ने तयारी गरेको छ ।विश्वविद्यालयका उपकुलपति प्रा.डा. विनोदप्रसाद ढकाल, विश्वविद्यालय सेवा आयोगका विज्ञ सदस्य प्रा.डा. कृष्णप्रसाद घिमिरे, लुम्बिनी प्रदेश मुख्यमन्त्री तथा मन्त्रीपरिषद कार्यालयका प्रदेश सचिव सुमन घिमिरे, कुल सचिव (रजिष्टार) रेगबहादुर भण्डारी र डिन डा. किर्ति कुसुम जोशीले बिद्यार्थीलाई अभिमुखिकरण गर्नुभएको हो ।
अभिमुखिकरण गर्दै उपकुलपति प्रा.डा. ढकालले विश्वविद्यालयलाई अगाडी बढाउन आफुहरुले स्थापनाकालदेखी नै मेहेनत गर्दै आएको बताउनुभयो। गुणस्तरिय प्राविधिक शिक्षा प्रदान गर्नका लागि लुम्बिनी प्रदेश सरकारले आफ्नो गौरवको योजना अन्तरगत यस विश्वविद्यालय स्थापना गरेको उहाँले प्रष्ट्याउनुभयो
लुम्बिनी प्राविधिक विश्वविद्यालयले समयमै कोर्स पुरा गर्ने, समयमा नतिजा दिने, विश्वविद्यालयभित्र राजनीतिक गतिविधिलाई निषेध गर्ने र बिद्यार्थीलाई ब्यवहारिक शिक्षामा जोड दिने उपकुलपति ढकालले बताउनुभयो । बिद्यार्थीलाई देश तथा विदेशका विभिन्न विश्वविद्यालयमा लगेर शैक्षिक, प्रयोगात्मक तथा अनुसन्धान गतिविधीमा सामेल गराउने उहाँको भनाई छ । विश्वविद्यालय सेवा आयोगका विज्ञ सदस्य प्रा. डा. घिमिरेले ब्यवहार उपयोगी शिक्षा आवश्यक रहेकोमा जोड दिदै लुम्बिनी प्राविधिक विश्वविद्यालयले सोही शिक्षालाई सिकाउन प्रयत्न गर्ने बताउनुभयो।
यस्तै प्रदेश सचिव घिमिरेले सैद्धान्तिकभन्दा प्रयोगात्मक शिक्षा प्रभावकारी हुने बताउनुभयो । प्राविधिक शिक्षाको माग विश्व बजारमा धेरै भएको अवगत गराउँदै उहाँले‘आईटी क्षेत्रले धेरै फड्को मारेको हुँदा यसको माग धेरै छ, र पढेको ब्यक्ती आफ्नो खुट्टामा उभिन सक्ने बताउनुभयो ।’ प्रदेशभित्रका संघ, संस्था कार्र्यालयमा बिद्यालयका बिद्यार्थीलाई ईन्र्टसिपमा लगाउने बताउनुभयो।
यसैगरी कुल सचिव (रजिष्टार)भण्डारीले आफ्नै देशमा दक्ष जनशक्ती उत्पादन गर्नु विश्वविद्यालयको उद्धेश्य रहेको बताउनुभयो। विश्वविद्यालयका पहिलो ब्याचका बिद्यार्थीलाई स्वागत गर्दै उहाँले पहिलो ब्याचका बिद्यार्थीलाई अवसर र चुनौती दुवै हुने बताउनुभयो।
विश्वविद्यालयका डिन डा. जोशीले एउटा कार्यक्रममा २४ जना बिद्यार्थीलाई शिक्षण गरिने जानकारी दिनुभयो । उहाँका अनुसार अहिले पहिलो चरणमा दुई वटा कार्यक्रमका लागि ४८ जना बिद्यार्थी भर्ना छन् । बिद्यार्थीलाई छात्रवृत्तिको समेत ब्यवस्था गरिएको बताउनुभयो। बिद्यार्थीको पठन पाठनका लागि आंशिक र पूर्णकालिन प्राध्यापक नियुक्त गरिएको जानकारी दिनुभयो ।
विश्वविद्यालयमा भर्ना भएका बिद्यार्थीले आफ्नै देशमा प्राविधिक शिक्षा लिन पाउँदा खुसी लागेको प्रतिक्रिया दिएका छन् । उनीहरुले प्राविधिक शिक्षाका लागि अब विदेश जानु नपर्ने बताएका छन् । आफ्नै देशको विश्वविद्यालयमा गुणस्तरीय प्राविधिक शिक्षा लिन पाउँदा बिद्यार्थीहरु उत्साहित छन् । गुणस्तरिय लुम्बिनी प्रदेशको विभिन्न जिल्लाबाट अध्ययनका लागि बिद्यार्थी यहाँ आएका छन् ।
Discussion about this post