गलत क्रियाकलापमा संलग्न सात जना स्पा सेन्टरबाट पक्राउ

बाँके पुस ३ गते ।
बाँके प्रहरीले क्यासिनो पछि स्पा सेन्टरमा निगरानी बढाएको छ । बाँके प्रहरी प्रमुख एसपी सुभाष चन्द बोहराको निर्देशनमा वडा प्रहरी कार्यालय नेपालगन्जले नेपालगन्ज उपमहानगरपालिमा रहेका ११ वटा स्पा सेन्टरको छड्के जाँच गरेको छ ।

निरीक्षणका क्रममा अवैध धन्दा गर्ने सात जनालाई नियन्त्रणमा लिइएको वडा प्रहरी कार्यालयका प्रमुख प्रहरी निरीक्षक हरिबहादुर विसीले जानकारी दिए ।

प्रहरीले भारतबाट हुने अवैध चोरी निकासी नियन्त्रण, चोरी, लुटपाट नियन्त्रण, फरार अभियुक्त तथा अपराधि पक्राउ लगायतमा सक्रियता देखाएको प्रहरीले पछिल्लो समय नेपालगन्जमा संचालित स्पा सेन्टरको छड्के जाँच गरेको उनले बताए । ‘स्पा सेन्टरमा गलत क्रियाकलाप भएको सूचनाको आधारमा छड्के जाँच गर्यौँ ।

अवैध धन्दा गरेको फेला परेपछि सात जनालाई नियन्त्रणमा लिएर आवश्यक कारवाहीका लागि जिल्ला प्रहरी कार्यालय बाँकेमा बुझायौँ । जिल्ला प्रहरी कार्यालयले आगामी दिनमा गलत क्रियाकलाप नगर्ने शर्तमा सम्झाई बुझाई गरि छाडेको छ,’ प्रहरी निरीक्षक विसीले भने ।