बाँके पुस २० गते ।
हाईसको ठक्करबाट बिहिबार राप्ती सोनारीमा मृत्यु भएका पीडित परिवारलाई उचित क्षतिपूर्तिको माग गर्दै पुर्व पश्चिम महेन्द्र राजमार्गको अगैयामा सडक अवरुद्ध गरिएको छ । क्षतिपूर्तिकालागि पीडित परिवार र ठक्कर दिने गाडीका मालिकबीच ईलाका प्रहरी कार्यलय धामपुरमा शुक्रबार छलफल गर्न बोलाएको भएपनि गाडीमालिक उपस्थित नभएपछि पीडित परिवार र स्थानीयहरु आक्रोशित हुँदै अगैया स्थित राजमार्गमा टाएर बालेर बिरोध प्रदर्शन गर्नुकासाथै सडक अवरुद्ध गरेका हुन् ।
सडक अबरोधका कारण बेलुका ५ बजेदेखि ६ बजे सम्म अगैया कोहलपुर र अगैया नेपालगञ्ज को सडक खण्डमा यातायात ठप्प रहेको प्रहरी चौकी अगैयाले जनाएको छ । पीडित परिवारवारलाई वार्तामार्फत समस्या समाधान गर्न आग्रह गर्दै ईलाका प्रहरी कार्यलय कोहलपुरका डिएसपी सुन्दर तिवारीले सम्झाईबुझाई गरिरहेको स्थानीय हरीराम थारुले जानकारी दिए ।
बिहिबार दाङबाट नेपालगन्जतर्फ जादै गरेको भे१ख ४१३६ नम्बरको हाईसले हुलाकी सडक अन्तर्गत राप्ती सोनारी गाउँपालिका वडा नम्बर ४ धामपुरमा ठक्कर दिदाँ साईकल यात्री राप्ती सोनारी ४ बुद्धचोक निवासी ४५ वर्षीय मंगरु थारुको मृत्यु भएको थियो ।
विपरित दिशाबाट आइरहेका साईकल यात्रीलाई हाइसले बिहीबार बेलुकी ६ ः२५ बजेतिर ठक्कर दिदाँ टाउकोमा गम्भिर चोट लागेकोमा नेपालगन्ज मेडिकल कलेज शिक्षण अस्पताल नेपालगन्जमा उपचारका क्रममा मृत्यु भएको थियो ।
दुर्घटनापछि फरार रहेका चालकलाई नियन्त्रणमा लिइएको धामपुर प्रहरीले जनाएको छ । चालक र हाइस दुबैलाई ईलाका प्रहरी कार्यालय कोहलपुर समक्ष बुझाइएको ईलाका प्रहरी कार्यालय धामपुरका इन्चार्ज एवम् वरिष्ठ प्रहरी नायव निरीक्षक(वरिष्ठ सई) लोकेन्द्रसिंह कार्कीले जानकारी दिए ।
Discussion about this post