काठमाडौं माघ २ गते ।
नेपाल आयल निगमले सोमबारदेखि घटाएको पेट्रोलियम पदार्थको नयाँ मूल्य आज मंगलबारदेखि लागु भएको छ। निगमले सोमबार एक सूचना जारी गर्दै पेट्रोल, डिजेल र मट्टितेलको मूल्य समान १/१ रुपैयाँले घटाएको हो।
जसअनुसार अब पेट्रोलको मूल्य पहिलो वर्गका लागि प्रति लिटर १६३.५० रुपैयाँ, दोश्रो वर्गका लागि प्रति लिटर १६५ रुपैयाँ र तेश्रो वर्गका लागि प्रति लिटर १६६ रुपैयाँ कायम भएको छ।
त्यस्तै, डिजेल÷मट्टितेलको मूल्य पहिलो वर्गका लागि प्रति लिटर १५३.५० रुपैयाँ, दोश्रो वर्गकालागि प्रति लिटर १५५ रुपैयाँ र तेश्रो वर्गकालागि प्रति लिटर १५६ रुपैयाँ कायम भएको छ।
भारतीय आयल कर्पोरेसनबाट सोमबार प्राप्त नयाँ खरिद मूल्यअनुसार मूल्य समायोजन गरिएको निगमले जनाएको छ।
ADVERTISEMENT
Discussion about this post