बाँके माघ ५ गते ।
चोरीमा संलग्न तीन जनालाई बाँके प्रहरीले पक्राउ गरेको छ । नेपालगन्ज उपमहानगरपालिका–१५ बस्ने २९ वर्षीय डुड्डु जसगढ, वडा नं.२२ बस्ने २६ वर्षीय हकिकत अलि किङ्गरिया र वडा नं. १४ बस्ने २८ वर्षीय राजु जसगढलाई प्रहरीले पक्राउ गरेको हो ।
डुड्डुलाई इ रिक्साको तार काटेर चोरी गरेको, हकिकतलाई नेपालगन्ज मेडिकल कलेजका बिरामी र कुरवाको मोवाइल चोरी गरेको र राजुलाई इ रिक्सा चोरी गरेको अभियोगमा पक्राउ गरिएको बाँके प्रहरीले जनाएको छ । पक्राउ परेका तीनै जनालाई जिल्ला प्रहरी कार्यालयको हिरासतमा राखेर थप अनुसन्धान भइरहेको पनि प्रहरीले जनाएको छ ।
ADVERTISEMENT
Discussion about this post