बाँके माघ १० गते ।
प्रथम बैजनाथ तथा छैठौं प्रादेशिक औद्योगिक लघु,घरेलु, कृषि तथा प्रविधि प्रदर्शनी व्यापार एंव पर्यटन महोत्सव २०८० सुरू भएको छ । नेपाल घरेलु तथा साना उद्योग महासंघ बैजनाथको आयोजनामा महोत्सव बुधबारदेखि सुरू भएको हो ।
महोत्सवको बैजनाथ–५ स्थित कोहलपुर न्युसिटीमा एक भव्य समारोहका बीच लुम्बिनी प्रदेश सरकारीकी सहरी विकासमन्त्री कृष्णा केसी (नमुना) कलसमा बत्ती बालेर उद्घाटन गरिन् ।
उद्घाटन सत्रमा बोल्दै मन्त्री केसीले मानसरोवर बोटानिकल गार्डेनलाई प्रवद्र्धन गरिने बताइन् ।
बैजनाथ क्षेत्रको विकासका लागि आफू लागि पर्ने उनको भनाई छ । कन्वा ताललाई सीमसार क्षेत्रको रूपमा विकास गर्न प्रदेश सरकारको तर्फबाट पुलको काम गर्ने मन्त्री केसीले बताइन् । लुम्बिनी प्रदेश सदस्य रत्न खत्रीले बैजनाथका गाभर,बोटानिकल गार्डन,कन्वा तालको पर्यटन प्रवर्द्धनमा गरिने बताए । यस्तै कैलाशेश्वर मन्दिरलाई धार्मिक सर्किट बनाइने उनले बताए ।
प्रदेश सदस्य खत्रीका अनुसार बर्दिया राष्ट्रिय निकुञ्ज र बाँके राष्ट्रिय निकुञ्जबीचको सम्भावनाको सदुपयोग गरेर बैजनाथको विकास सम्भव छ । बैजनाथ गाउँपालिकाका अध्यक्ष प्रकाश बहादुर शाहीले महोत्सव सफलताको शुभकामना प्रदान गरे । उनका अनुसार महोत्सव आयोजना कृषिको सम्भावना छ । बैजनाथ गाउँपालिकालाई चिनाउन सफल हुने विश्वास व्यक्त गरे । पर्यापर्यटन विकास र अर्थतन्त्र विकासमा सघाउ पुग्ने अध्यक्ष शाहीको भनाइ छ । ‘बैजनाथमा ७० प्रतिशत नागरिक छन् । पालिकाका अध्यक्षसँग किसान कार्यक्रम सञ्चालन गरेको छ ।
त्यसका लागि आठ करोड बजेट विनियोजन गरेको छ । कृषि क्षेत्रको विकास हाम्रो लक्ष्य रहेको छ ।’ उनले भने महोत्सवमा पनि कृषिका विभिन्न स्टल रहेको भन्दै उत्कृष्ट स्टललाई तीन लाख रूपैयाँको पुरस्कार व्यवस्था गरिएको उनले बताए । बैजनाथ गाउँपालिकाकी उपाध्यक्ष निर्मला रोकायाले महोत्सव उद्यमशिलता विकास, घरेलु उद्योगलाई प्रवर्द्धन गर्ने र समृद्ध बैजनाथ बनाउने उद्देश्यसँग केन्द्रित रहने बताइन् । उनका अनुसार बैजनाथ गाउँपालिकाले उत्कृष्ट किसानलाई सम्मान कार्यक्रम ल्याएको छ ।
महोत्सवमा महिला उद्यमीलाई प्रोत्साहन गर्न भुमिका खेल्न अनुरोध गरिन् । नेपाल घरेलु तथा साना उद्योग महासंघका केन्द्रीय अध्यक्ष उमेशप्रसाद सिंहले घरेलु व्यवसाय प्रवद्र्धनमा सहयोग पुग्ने बताए । उनका अनुसार बेरोजगार नियन्त्रण गर्न र रोजगारी सिर्जना घरेलु उद्योग बलियो हुनुपर्छ । उक्त अवसरमा शुभकामना मन्तव्य व्यक्त गर्दै नेपाल घरेलु तथा साना उद्योग महासंघ बाँकेकी अध्यक्ष मधु कुमारी खड्काले बैजनाथको व्यवसाय प्रवद्र्धनका लागि महोत्सव आयोजना गरिएको बताइन् ।
उनका अनुसार महोत्सवमा घरेलु उत्पादन,साना किसानका उत्पादन बजारीकरणमा सहयोग पुग्नेछ । बाँकेका आठ वटै पालिकामा महासंघ विस्तार गरिएको बताइन् ।महोत्सवको उद्देश्यमाथि प्रकाश पार्दै नेपाल घरेलु तथा साना उद्योग महासंघका केन्द्रीय सदस्य कुबेर बहादुर रिजालले महोत्सवले बैजनाथको अर्थतन्त्रको विकासमा सघाउ पुग्ने बताए ।
१२ दिनसम्म चल्ने महोत्सवमा स्थानीय उत्पादन प्रवर्द्धन, संस्कृति संरक्षण तथा पयर्यटन महोत्सव केन्द्रीत हुने रिजालले बताए । प्रचार प्रसार समितिका संयोजक सुमन विश्वकर्माले स्वागत मन्तव्य राखेका थिए ।उद्घाटन सत्रमा विभिन्न विद्यालयले सांगितिक प्रस्तुती दिएका दिए ।
महोत्सव उद्घाटन सत्र नेपाल घरेलु तथा साना उद्योग महासंघ बैजनाथका अध्यक्ष दुर्गाबहादुर घिमिरेको अध्यक्षतामा सम्पन्न भएको हो । उद्घाटन सत्रको सञ्चालन महासचिव कमल सुवेदीले गरेका थिए ।महोत्सव आगामी माघ २१ गतेसम्म सञ्चालन हुनेछ । महोत्सवमा हरेक दिन स्थानीय देखि राष्ट्रियस्तरमा ख्याति प्राप्त कलाकारहरुको सांस्कृतिक प्रस्तुती रहनेछन् ।
प्रतियोगिताको सह आयोजकका रूपमा बैजनाथ गाउँपालिका वडा नम्बर ५ को कार्यालय रहेको छ । व्यवस्थापक जय माता दी एम्युजमेन्ट एण्ड इभेन्ट म्यानेजमेन्ट प्रालि बुटवल रहेको छ । महोत्सवमा ख्याती प्राप्त राष्ट्रिय तथा स्थानीय गरी ६० बढी कलाकारहरूको प्रस्तुति रहनेछ ।
Discussion about this post