बाँके माघ २१ गते ।
बाँकेको कोहलपुरको क्रिकेट मैदानमा यही माघ २७ गते देखि फाल्गुन ३ गते सम्म सुशिल कोइराला मेमोरियल अन्डर १९ महिला राष्ट्रिय टि २० क्रिकेट प्रतियोगिता सन्चालन हुने भएको छ । कोहलपुर नगरपालिकाको आयोजना र कोहलपुर नगर खेलकुद बिकास समितीको ब्यवस्थापनमा प्रतियोगिता सन्चालन हुने पत्रकार सम्मेलन मार्फत जानकारी गराइएको छ।
कोहलपुर नगरपालिकाका नगर प्रमुख पुर्ण प्रसाद आर्चायले यो प्रतियोगिताले महिला क्रिकेटको लागी कोसेढुंगा साबित भएको बताउनुभयो। यस प्रतियोगिताले महिला क्रिकेट खेलाडीको लागी आत्मबल समेत बढाउने बिश्वास लिएको र सचारकर्मीहरुले सकरात्मक सन्देश प्रवाह गरिदिन समेत आग्रह गर्नु भएको छ।
क्रिकेटका पुर्व राष्ट्रिय कप्तान एल बी क्षेत्रीले कोहलपुरमा यो प्रतियोगिताले महिला क्रिकेट खेलाडीको लागी पुर्नजन्म दिएको बताउनु भयो ।
सोही अनुसार कोहलपुरमा हुने यू–१९ राष्ट्रिय महिला क्रिकेटमा बागमती प्रदेश, गण्डकी, लुम्बिनी र सुदूरपश्चिम प्रदेश सहित आयोजक कोहलपुर ११ टिमले प्रतिस्पर्धा गर्नेछन् ।
देशभरीका पाँच प्रदेशका ५ वटा टिमहरु बिच ११ वटा खेल प्रतियोगितामा हुने पत्रकार सम्मेलनमा जानकारी दिएको छ । प्रतियोगितालाई ब्यवस्थित गर्नको लागी चिन्तामणी धितालको संयोजकत्वमा समन्वय समिती बनाइएको छ । क्यान सगको समन्वय गर्ने काम यो समितीले गर्ने छ ।
प्रतियोगितामा प्रथम हुनेलाई १ लाख र द्धितिय हुनेलाई ५० हजार ट्रफिको समेत ब्यवस्था गरिएको छ । बिभिन्न जिल्लाबाट आउने खेलाडीहरुको आबास र खानपिनको ब्यवस्था आयोजकले गर्ने बताइएको छ ।यो प्रतियोगिताले कोहलपुरको लागी ऐतिहासिक हुने बताइएको छ ।
प्रतियोगिताका खेलहरु कोहलपुरमा रहेको अन्तराष्ट्रिय क्रिकेट रंगशालामा हुनेछ ।
Discussion about this post