बाँके माघ २६ गते ।
बाँकेका प्रहरी प्रमुख एसपी सुभाष चन्द्र बोहराले जिल्लाको शान्ति सुरक्षा, अमनचयन कायम राख्न अवैध गतिविधिलाई निरुत्साहित पार्दै लगेका छन् । उनले आफ्नो मातहतका सबै निकायलाई चनाखो बनाउँदै शान्ति सुरक्षा कायम गर्न निर्देशन दिइरहेका छन् । उनकै निर्देशनमा पछिल्लो समय क्यासिनोहरुमाथि पनि निगरानी बढाउने काम भइरहेको छ ।
नेपालगन्जका क्यासिनोमा नेपालीहरु प्रवेश गरि क्यासिनो खेल्ने गरेको सूचना पाएपछि वडा प्रहरी कार्यालयको टोलीले यहाँ संचालित सातवटा क्यासिनोमा छड्के चेकजाँचलाई निरन्तरता दिइरहेको छ । नेपालीहरु प्रवेश गरि क्यासिनो खेल्ने गरेको सूचना आउने गरेकाले बेलाबेला छड्के चेकजाँच गर्ने गरिएको वडा प्रहरी कार्यालय नेपालगन्जका प्रमुख प्रहरी निरीक्षक हरिबहादुर बिसीले बताए । भारतीयलाई मात्र प्रवेश गर्न पाइने नियम छ । नेपालीहरु पनि क्यासिनो खेल्न गएको सूचनाको आधारमा छड्के चेकजाँच पर्यौँ, तर नेपाली फेला परेनन्,’ उनले भने । नेपालमा प्रतिवन्धित भारतीय दुई सय र पाँच सय रुपैयाँ प्रयोगमा भए नभएको बुझ्न पनि छड्के चेकजाँच गर्ने गरिएको उनले बताए ।
बाँकेका प्रहरी प्रमुख सुभाष चन्द बोहराको निर्देशनमा क्यासिनोको छड्के चेकजाँच गर्न निर्देशन दिने गरेका छन् । ‘वडा प्रहरी कार्यालयले समय समयमा निगरानी गरिरहेकै हुन्छ । छड्के चेकजाँच गर्न एसपी सापको पनि निर्देशन भइरहेको हुन्छ,’ उनले भने, ‘क्यासिनोमा प्रवेश गर्ने सबै भारतीयमात्र थिए ।’ नेपालगन्जमा क्यासिनो खेल्न भारतीयहरु आउने गरेका छन् । ती क्यासिनोमा भारी रकमको जुवा हुने गरेको छ । पछिल्लो समय नेपालगन्जमा क्यासिनो फस्टाउँदै गएका छन् । ‘अवैध घुसपैठ रोक्न छड्के चेकजाँचलाई निरन्रता दिइने छ,’ वडा प्रहरी प्रमुख प्रहरी निरीक्षक विसीले भने । क्यासिनोमात्र होइन स्पा, होटेल तथा रेष्टुराहरुमा पनि प्रहरीले छड्के गर्दै आइरहेको छ ।
बाँकेको प्रहरी प्रमुखको रुपमा एसपी बोहरा आएपछि उनले अवैध चोरी पैठारी नियन्त्रणमा सक्रियता देखाएका छन् । उनी आएपछि दिनदिनै चोरीका सामान बरामद हुनुका साथै अदालतले सजाय तोकेपछि फरार ब्यक्तिलाई पक्राउ गरि अदालतमा बुझाउने क्रम बढेको छ । ‘एसपी बोहरा आएदेखि जिल्लामा शान्ति, सुरक्षाको अवस्था मजबुत भएको छ ।
Discussion about this post