सरला सुवेदी
बाँके फागुन ६ गते ।
नेत्रहीन क्रिकेट प्रतियोगिता २०२४ अन्तर्गत शनिवार भएको खेलमा बर्दिया बिजयी भएको छ । बाँकेले दिएको १४७ रनको लक्ष्य बर्दियाले १७.५ ओभरमा ५ विकेटको क्षतिमा पुरा गर्यो । बाँकेले ४ विकेट गुमाएर १४७ रनको लक्ष्य दिएको थियो ।
बर्दियाका प्लेयर अफ दि म्याच गोपाल राठौरले उत्कृष्ट ब्याटिङ गर्दै ७१ रन बनाए । प्लेयर अफ दि म्याचको ट्रफी कोहलपुर नगरपालिकाको वडा अध्यक्ष कल्पना शर्माले हस्तान्तरण गर्नुभयो।
यसैगरी शनिवारको पहिलो खेल चितवन नेत्रहीन क्रिकेट क्लब (चितवन) विरुद्ध लुम्बिनी नेत्रहीन क्रिकेट संघ, रुपन्देही बिच भएको थियो ।
चितवनले ५९ रनको लक्ष्य दिएको थियो । उत्कृष्ट ब्याटिङ प्रदर्शन गर्दै लुम्बिनीले ५.५ ओभरमा लक्ष्य पूरा गर्न सफल भयो । लुम्बिनीको लागि अब्दुल जहित दले २४ र शम्भु पोखरेलले १८ रन बनाएपछि मात्र ५.५ ओभरमा लक्ष्य पूरा गर्न सफल भयो । प्लेयर अफ दि म्याच लुम्बिनीका खेम राज सापकोटा भएका थिए ।
नेत्रहीन क्रिकेट प्रतियोगिता २०२४ पहिलो दिन शुक्रबारको खेलमा कञ्चनपुरले बाँकेलाई र सुर्खेतले चितवनलाई पराजित गरेको हो ।
फागुन ४ गते देखि सुरु भएको नेत्रहीन क्रिकेट खेल प्रतियोगितामा फागुन ८ गते सम्म कोहलपुरमा रहेको क्रीकेट मैदानमा हुने छ भने बर्दिया, रुपन्देही, सुदूरपश्चिम, सुर्खेत, चितवन र बाँके जिल्लाका ६ वटा समूहका ९० जना दृष्टिविहीन क्रिकेट खेलाडीहरू बिच उक्त प्रतियोगिता हुने छ ।ती ९० जना खेलाडीहरू मध्येमा १६ जना महिला नेत्रहीन खेलाडीहरूले पनि उक्त प्रतियोगितामा भाग लिने कुराको जानकारी आयोजक संस्था नेत्रहीन क्रिकेट संघ नेपालले जनाएको छ।
Discussion about this post