बर्दिया फागुन ७ गते ।
फुड प्वाइजनका कारण विरामी भइ एकै गाउ का करीब १ सय २० जना भन्दा बढी विरामी परेका छन । विरामीहरु मध्ये ५१ जनाका वर्दिया अस्पताल गुलरियामा उपचारमा भइरहेको छ भने बाँकीको उपचार मधुवन नगरपालिकामा रहेको नगरअस्पतालमा भइरहेको जनाइएको छ ।
मधुवन नगरपालिका वडा न ९ गर्भु गाउका का ४१ जना स्थानियहरु फागुन ४ गते दाङ्गको चखौरा भन्ने स्थानमा घुमघामका लागी गएका थिए । त्यहा बाट पर्केपछी एक्कासी तिनीहरुलाई पेट दुख्ने झाडा पखाला लाग्न सुरु भएपछी उनीहरु विरामी परेको स्थानिय बालकुमार चौधरीले सुनाउनु भयो ।
बर्दिया अस्पताल प्रशासनका अनुसार सोमवार विहान सम्म करीब ५० भन्दा वढी स्थानियको उपचार भई उनीहरुका स्वास्थ्यमा क्रमिक सुधार भइराखेको छ भने केहीको अवस्था अझै खतरामुक्त हुन नसकेको अस्पतालका मेसु सुभाष पाण्डेयले जानकारी दिनुभयो । विरामी पर्नेमा ३८ जना महिला , १३ जना पुरुष र ५ बर्ष मुनीका ५ जना वालवालिकाहरुलाई सामाजिक सेवा डिजास्टर सेक्टर मार्फित उपचार भइराखेको अस्पताल पाण्डेले बताउनु भयो ।
“हामीहरु गाउले मिलेर ४ गते दाङ्ग पिकनिक खेल्न गएका थियौं । सांझ घर फर्कियौं राती एक्कासी आफ्नो पेट दुखेको र पालै पालौ सबैलाई यस्तै भएर अस्पताल भर्ना हुन पर्यो । ” मधुवन न.पा वडा नं ९ की अनीता थारुले बताउनु भयो । मधुवन नगरपालिका वडा नं ९ का वडा अध्यक्ष हर्क बहादुर बस्नेतका अनुसार अहिले सम्म करीब १ सय २० जना विरामी पुगी सकेका छन जसमध्ये केहीको स्वास्थ्य उपचार भइरहेको जानकारी गराउनु भयो । समयमै जानकारी भएन करीब २४ घण्टा पछी जानकारी पाउना साथ हामीले उपचारमा चासो देखाएको वडा अध्यक्ष बस्नेतले भन्नु भयो ।
Discussion about this post