बाँके फागुन १४ गते ।
कोहलपुर नगरपालिकाद्वारा पाँच माध्यामिक विद्यालयलाई क्रिकेट सामग्री हस्तान्तरण गरेको छ । नगरपालिकाले गत वर्ष उप मेयरकप छात्रा क्रिकेट प्रतियोगितामा भाग लिएका पाँच सामुदायिक विद्यालयहरुलाई क्रिकेटका लागि आवश्यक खेल सामाग्री विद्यालयलाई हस्तान्तरण गरिएको हो ।
नगरपालिकाले ज्ञान ज्योति मावि बगिया, त्रिभुवन मावि, ज्ञान ज्योति मावि चप्परगौडी, सगरमाथा ज्ञानपुञ्ज मावि र वालशिक्षा मावि भरैयालाई क्रिकेट खेलका लागि सामग्री वितरण गरिएको उपप्रमुख संगिता सुवेदीले जानकारी दिइन् । गत वर्ष उपमेयर कप क्रिकेट प्रतियोगितामा भाग लिएका विद्यालयहरूले क्रिकेट अभ्यासका लागि खेल सामाग्री अभाव भएको गुनासो गरेका थिए ।
अधिकांश विद्यालयमा क्रिकेट सामाग्री अभाव भएपनि गत वर्ष प्रतियोगितामा सहभागि भएका विद्यालयलाई क्रिकेट खेल सामाग्री वितरण गरिएको कोहलपुर नगर पालिकका उप प्रमुख सुवेदीले बताइन् । उनले यही १६ गतेदेखि उपमेयर क्रिकेट प्रतियोगिता आयोजना गरिएको पनि जानकारी दिइन् ।
महिला क्रिकेट खेलाडी उत्पादनमा टेवा पुगोस् भन्ने उद्देश्यका साथ प्रतियोगिता आयोजना गरिएको उनको भनाइ छ । ‘कुनै बेला बाँकेका महिला क्रिकेटरहरुले राष्ट्रिय तथा अन्तर्राष्ट्रिय स्तरमा यहाँको परिचय गराएको स्मरण गर्दै उप प्रमुख सुवेदी भनिन्–‘नयाँ खेलाडी उत्पादन गर्ने र क्षमतावान खेलाडी उत्पादनका लागि प्रसस्त अभ्यास गर्ने र खेल्ने अवसर दिनुपर्ने भएकाले खेल सामाग्री प्रदान गरिएको हो ।’
कोहलपुर नगरपालिकाका प्रमुख प्रशासकीय अधिकृत धोलकराज ढकालले विद्यार्थीलाई खेलमा प्रशस्त अभ्यास गरि उप प्रमुख कपमा विजयीको शुभकामना व्यक्त गरिन् ।
Discussion about this post