अर्घाखाँची चैत १६ गते ।
अर्घाखाँचीमा टिप्पर दुर्घटना हुँदा २ जना घाइते भएका छन् । कपिलवस्तुदेखि अर्घाखाँची आउँदै गरेको बानिया निर्माण सेवाको ना १ ख ८४७३ नम्बरको टिपर गोरुसिंगे सन्धिखर्क सडकखण्डको शीतगङ्गा नगरपालिका वडा नम्बर ३ स्थित पाडेगैरा ओरालोमा दुर्घटना भएको हो।
दुर्घटनामा दुई जना घाइते भएको जिल्ला प्रहरी कार्यालय अर्घाखाँचीले जानकारी दिएको छ । सन्धिखर्क नगरपालिका वडा नम्बर ७ का २१ वर्षीय अमृत चुदाली र १४ वर्षीय पुरन झाँक्री मगर घाइते भएको जनाइएको छ । घाइतेको प्राथमिक स्वास्थ्य केन्द्र ठाडामा सामान्य उपचारपछि बुटवल रिफर गरिएको प्रहरी प्रमुख प्रतीकसिंह राठौरले जानकारी दिनुभयो । टिप्पर सडकबाट तीन मिटर तल खसेको छ।
ADVERTISEMENT
Discussion about this post