बाँके जेठ २८ गते ।
दारुल उलुम फैजुन्नबी जामा मस्जिद इदगाह संचालक समिति भंग भएको छ ।
करिब ८ वर्ष लामो समितिले जनताको भावना अनुसार काम गर्न नसकेपछि जिल्ला प्रशासन कार्यालय बाँकेले समिति भंग गरि नयाँ समिति गठन गर्न निर्देशन दिएको हो ।
स्थानीय प्रशासनको निर्देशन पछि सरोकारवालाले सोमवार नै तदर्थ समिति गठन गरेका छन् । तदर्थ समितिको संयोजकमा नेपालगन्ज उपमहानगरपालिका ३ निवासी समेत रहेका वडा अध्यक्ष अय्युब सिद्दिकीलाई तोकिएको छ ।
बाँकेका सहायक प्रमुख जिल्ला अधिकारी जोरा सिंह माझीले तीन महिनाभित्र संस्था नवीकरण र साधरणसभाबाट नयाँ नेतृत्व गठन गरी जानकारी गराउन निर्देशन दिएको संयोजक सिद्धिकीले जानकारी दिए । समितिका अधिकांश पदाधिकारीले पदबाट राजिनामा दिएपछि स्थानीय प्रशासनले समिति भंग गरी तदर्थ समिति गठन गर्न दारुल उलुम फैजुन्नबी जामा मस्जिदलाई निर्देशन दिएको उनले बताए ।
जामा मस्जिद संचालक समितिले काम गर्न नसके पछि काम बिहिन भएको थियो भने लामो समयसम्म नबिकरण र साधारण सभा समेत हुन सकेको थिएन। काम गर्न नसकेपछि अधिकांश पदाधिकारीले राजिनामा दिएका थिए । समितिका अध्यक्ष फिदा हुसेन अन्सारीले प्रशासनमा तदर्थ समिति गठनका लागि प्रशासनमा निवेदन दिएका थिए ।
Discussion about this post