जुत्ताभित्र लुकाएर ब्राउनसुगर ल्याउँदै गरेको दुई पक्राउ

सम्बन्धित समाचार

झापा असार ११ गते ।
झापाको गौरीगञ्ज गाउँपालिका– १ कुञ्जिवारीस्थित हुलाकी राजमार्गमा ब्राउनसुगरसहित दुई जनालाई प्रहरीले पक्राउ गरेको छ ।

सोमबार दिउँसो १ः४५ बजेको समयमा कुञ्जिवारीस्थित हुलाकी राजमार्गमा प्रहरी चौकी कुञ्जिबारीबाट खटिएको प्रहरी टोलीले कमल गाउँपालिका– १ बस्ने ३० वर्षीय उद्धव भट्टराई र दमक नगरपालिका– ५ बस्ने २६ वर्षीय इन्द्रप्रसाद तिम्सिनालाई पक्राउ गरेको हो ।

शंका लागेर चेकजाँच गर्दा भट्टराईले लगाएको जुत्ताभित्र लुकाई छिपाई राखेको ६ ग्राम ७३० मिलिग्राम ब्राउनसुगर फेला परेको थियो ।दुवै जनालाई नियन्त्रणमा लिई इलाका प्रहरी कार्यालय झिलझिलेबाट थप अनुसन्धान कार्य जारी रहेको जिल्ला प्रहरी कार्यालय झापाले जनाएको छ ।