बाँके भदौ २० गते ।
भारतीय सीमावर्ती बजार हुँदै गुलरियातर्फ जाँदै गरेका दुई जनालाई प्रतिबन्धित लागूऔषध ब्राउन सुगरसहित प्रहरीले पक्राउ गरेको छ ।
प्रहरीले गुलरिया–नेपालगञ्ज हुलाकी सडकखण्डको भादा पुल नजिकै चेकजाँच गर्ने क्रममा उनीहरुलाई ३० मिलीग्राम लागूऔषध ब्राउन सुगरसहित पक्राउ गरेको हो ।
गएराति भे ११ प १७२३ नम्बरको मोटरसाइकल चढेर आएका गुलरिया–१२ का ३६ वर्षीय अब्दुल सलाम र २१ वर्षीय रेवती प्रसाद कुर्मीलाई पक्राउ गरेको प्रहरीले जनाएको छ । जिल्ला प्रहरी कार्यालय बर्दियाका प्रवक्ता एवं डीएसपी तुलसीराम अर्यालले पक्राउ गरिएका सलाम र कुर्मीका साथबाट उक्त पदार्थसहित नगद ८२ हजार ७९ रुपैयाँ बरामद गरिएको बताए ।
पक्राउ परेकामाथि आवश्यक अनुसन्धान भइरहेको प्रहरीले जनाएको छ ।
ADVERTISEMENT
Discussion about this post