बाँके कात्तिक १३ गते ।
नेपालगन्जबाट प्रहरीले १२ जना जुवाडेलाई पक्राउ गरेको छ । नेपालगन्ज उपहानगरपालिका ४ वसपार्कस्थित कर्णाली होटलबाट १२ जना जुवाडेसहित खालबाट ८५ हजार ७९५ रुपैयाँ नगद समेत बरामद गरिएको बाँकेका डिएसपी आयुष जोशीले जानकारी दिए ।
उनकाअनुसार होटेल संचालक मानबहादुर सिंजापतिलाई पनि प्रहरीले नियन्त्रणमा लिएको छ । प्रहरी सहायक निरीक्षक सुनिल शाहीको कमाण्डमा गएको प्रहरीको टोलिले उनीहरुलाई नियन्त्रणमा लिएको हो ।
होटलमा जुवातास भइरहेको भन्ने सूचनाका आधारमा गएको प्रहरीको टोलिले होटलको माथिल्लो तलामा उनीहरु जुवा खेलिरहेको भेटेको हो । बाँकेमा तिहार पर्व नजिकिएसँगै जुवाडेहरु धमाधम पक्राउ परिरहेका छन् । प्रहरीले पनि निगरानीलाई बढाएको छ ।
ADVERTISEMENT
Discussion about this post